ဖျာပုံမြို့နယ်တွင် နေအိမ် ၇ လုံး မီးလောင် ပျက်စီး
DVB
·
December 7, 2019
ဧရာဝတီတိုင်း၊ ဖျာပုံမြို့နယ်၊ ကနိကျေးရွာအုပ်စု၊ ချောင်းဝကျေးရွာမှာ ဒီဇင်ဘာ ၇ ရက်နေ့ မနက် ၄ နာရီလောက်က မီးလောင်မှုဖြစ်ပွားခဲ့လို့ လူနေအိမ် ၇ လုံး ပျက်စီးဆုံးရှုံးခဲ့ပါတယ်။
ကိုနေလင်းအောင်ရဲ့ နေအိမ်အနောက်ဘက်ရှိ လျှပ်စစ်ဝါယာကြိုးကတဆင့် ဝါယာရှော့ဖြစ်ကာ မီးစတင်လောင်ကျွမ်းခဲ့တာဖြစ်ပြီး ကျေးရွာအတွင်းက ပြည်သူတွေ ဝိုင်ဝန်းမီးငြှိမ်းသတ်ခဲ့လို့ ၅ နာရီကျော်လောက်မှာ မီးငြိမ်းသွားခဲ့တယ်လို့ သိရပါတဘ်။
မီးလောင်မှုဖြစ်စဉ်ကြောင့် လူနဲ့ တိရစ္ဆာန် ထိခိုက်ဒဏ်ရာရတာ မရှိဘဲ လူနေအိမ် ၇ လုံး ပျက်စီးဆုံးရှုံးခဲ့ပါတယ်။
မီးဘေးသင့်အိမ်ထောင်စု ၉ စု၊ မီးဘေးသင့် ပြည်သူ ၄၄ ဦးရှိတယ်လို့ ကနိကျေးရွာအုပ်စု၊ အုပ်ချုပ်ရေးမှူးဆီက သိရပါတယ်။
မီးလောင်မှုဖြစ်စဉ်ကို ဖျာပုံခရိုင်မီးသတ်ဦးစီးဌာနက စစ်ဆေးနေတယ်လို့ သိရပါတယ်။
ကျော်စိုးမိုး
