မိတ္ထီလာတွင် ကားနှင့်ဆိုင်ကယ်တိုက်၊ ရဲအရာရှိမိသားစု ၁ ဦးသေ ၂ ဦးဒဏ်ရာရ
DVB
·
October 13, 2019
ရန်ကုန်-မန္တလေးလမ်းဟောင်း မိုင်တိုင် ၃၄၄/၄ နှင့် ၅အကြား မိတ္ထီလာမြို့နယ် ညောင်ကန်ရွာ လမ်းခွဲအနီးမှာ အောက်တိုဘာ ၁၂ ရက်ညက ကားနဲ့ ဆိုင်ကယ်တိုက်မိလို့ ရဲအရာရှိမိသားစုမှ ဇနီးဖြစ်သူ သေဆုံးပြီး ၂ ဦးဒဏ်ရာရသွားတယ်လို့ မိတ္ထီလာအမှတ်(၃)ရဲစခန်းက ပြောပါတယ်။
မိတ္ထီလာအမှတ် ၃ ရဲစခန်းဒုရဲအုပ် အောင်ညီဝင်းက “ဇီးပင်ကြီးမှာ တာဝန်ကျနေတဲ့ ရဲအရာရှိပါ။ မိဘတွေ သွားကန်တော့တာက အခုလိုဖြစ်သွားတာပါ။ ရဲအရာရှိရဲ့ ဇနီးကတော့ သေဆုံးသွားတယ်။ ရဲအရာရှိနဲ့ ၁၀ နှစ်အရွယ် ကလေးကတော့ မန္တလေးဆေးရုံ ပို့လိုက်ရတယ်၊ မစိုးရိမ်ရတော့ပါဘူး။ သက်သာပါတယ်" လို့ ပြောပါတယ်။
မိတ္ထီလာဘက်ကနေ မန္တလေးဘက်ကို ဒုရဲအုပ်ဝင်းကျော်ဖြိုး မောင်းပြီး ဇနီးဖြစ်သူ မမြကြူဌေး (၃၃-နှစ်) နဲ့ ၁၀ နှစ်အရွယ်သမီး မမြဧပရယ်ဦးတို့ လိုက်ပါလာတဲ့ ဆိုင်ကယ်နောက်ပိုင်းကို လားရာတူ သဲတောမြို့နေ ကိုသန့်ဇင် မောင်းလာတဲ့ လင်ခရူဇာအမျိုးအစား ကားက ဝင်ရောက်တိုက်မိခဲ့တာပါ။
မိတ္ထီလာအမှတ် (၃) ရဲစခန်းက ကိုသန့်ဇင်အား ယာဉ်မဆင်မခြင်မောင်းလို့ လူသေဆုံးမှု၊ ပြင်းထန်ဒဏ်ရာရစေမှု၊ သာမန်ဒဏ်ရာရစေမှု ရာဇသတ်ကြီးပုဒ်မ ၃၀၄-က/၃၃၈/၃၃၇ တို့နဲ့ ဖမ်းဆီး အမှုဖွင့်ထားတယ်လို့ သိရပါတယ်။
သတင်း-မောင်မောင်လင်း
