မန္တလေးမြို့မှာ အရန်မီးသတ်တပ်ဖွဲ့ ယူနီဖောင်းဝတ်ဆင်ပြီး လိမ်လည်အလှူခံနေသူတဦးကို မေ ၂၂ ရက် ညနေပိုင်းက ဖမ်းဆီးရမိခဲ့တယ်လို့ မီးသတ်တပ်ဖွဲ့က ပြောပါတယ်။ ပြင်ဦးလွင် ဇီးပင်ကြီးကို သင်တန်းသွားတက်ဖို့အတွက်ဆိုပြီး ဟိုတယ်၊ တည်းခိုခန်း၊ စက်သုံးဆီဆိုင်နဲ့ စီးပွားရေးလုပ်ငန်းတွေထံကနေ လှည့်လည်အလှူခံနေတာကြောင့် ခေါ်ယူစစ်ဆေး အရေးယူခဲ့တယ်လို့ မန္တလေးခရိုင်မီးသတ်ဦးစီးဌာနမှ တာဝန်ရှိသူတဦးက ပြောပါတယ်။ “လွန်ခဲ့တဲ့ သုံးလလောက်က ပုသိမ်ကြီးမြို့နယ်ထဲက ရွာတွေမှာ အလှူခံသွားတယ်လို့ ကြားနေရတယ်၊ အခုနောက်ပိုင်း အယောင်ဆောင်ပြီး အလှူခံတာတွေက တော်တော်များနေတယ်။ အဲလိုလာပြီဆိုရင်လည်း သက်ဆိုင်ရာ မီးသတ်ဦးစီးဌာနကို စုံစမ်းသင့်တယ်။ တအိမ်ဝင် တအိမ်ထွက် လိုက်လံအလှူခံနေတာ မီးသတ်က ရှားပါတယ်၊ အခုလို ကိစ္စပေါ်ပေါက်လာတော့ မီးသတ်တပ်ဖွဲ့ သိက္ခာထိခိုက်စေတယ်၊ နောက်နောင် အယောင်ဆောင်မှုတွေ ထိန်းသိမ်းလို့ရအောင် အမှုဖွင့်လိုက်တာပါ။'' အရန်မီးသတ်တပ်ဖွဲ့ ယူနီဖောင်းဝတ်ဆင်ပြီး လိမ်လည်အလှူခံနေသူကို စစ်ဆေးမေးမြန်းရာ အောင်ကျော်ဆန်းဆိုသူဖြစ်ပြီး အရန်မီးသတ်တပ်ဖွဲ့ဝင်မဟုတ်ကြောင်း စစ်ဆေးပေါ်ပေါက်ခဲ့ပါတယ်။ အမှတ် ၈ မြို့မရဲစခန်းက အောင်ကျော်ဆန်းကို ရာဇသတ်ကြီးဥပဒေပုဒ်မ ၁၇၁ နဲ့ အရေးယူဆောင်ရွက်ထားတယ်လို့ သိရပါတယ်။ သော်တာ