မကွေးတိုင်းဒေသကြီး၊ ချောက်မြို့မှာ ပြီးခဲ့တဲ့တနှစ်ကျော်ကာလအတွင်း ဖမ်းဆီး သိမ်းဆည်းထားတဲ့ ဆိုင်ကယ်ပါဝါအိတ်ဇောတွေကို ဒီနေ့မနက်က မြို့မရဲစခန်းရှေ့ လမ်းမတော် လမ်းမပေါ်မှာ လမ်းကြိတ်စက်နဲ့ ဖျက်ဆီးခဲ့ပါတယ်​။ ချောက်မြို့ ရဲတပ်ဖွဲ့မှူး ရဲမှူး သိန်းဌေးဝင်းက “စက်သံဆူညံ အိတ်ဇောတွေ အဲဒါတွေက ယာဉ်စည်းကမ်း၊ လမ်းစည်းကမ်းဥပဒေမှာလည်းပါတယ်။ ဆိုင်ကယ်စက်သံဆူညံစေတဲ့ အိတ်ဇော ၁၀၀ ​ကျော်​ဒီက​နေ့ ဖျက်​စီးခဲ့တယ်​” လို့​ပြောပါတယ်​။ အခုနှစ် ဇန်နဝါရီလမှ မတ်လ အထိ ယာဉ်စည်းကမ်း၊ လမ်းစည်းကမ်းစစ်ဆေးမှု အကြိမ်ရေ စုစုပေါင်း ၁၉ ကြိမ် ဆောင်ရွက်ခဲ့ရာမှာ ဥပဒေဖောက်ဖျက်တဲ့ အမှုပေါင်း ၃၇၆ မှုရှိတယ်လို့ သိရပါတယ်။ ဒါ့အပြင်ဆိုင်ကယ်စီးဦးထုပ်မဆောင်းသူ ၁၆၀ ဦး၊ မီးနီဖြတ်သန်း ဆိုင်ကယ်စီးသူ ၆ ဦး၊ ဆိုင်ကယ်ယာဉ်မောင်းလိုင်စင်မပါသူ ၁၄၈ ဦး၊ စက်သံဆူညံအိတ်ဇောတပ်ဆိုင်ကယ်မောင်းနှင်သူ ၅ ဦး၊ ဆိုင်ကယ်မှာ နောက်ကြည့်မှန်မတတ်သူ   ၅၇ ဦးကို အ​ရေးယူခဲ့တယ်​လို့ သိရပါတယ်​။   ကိုလင်း(​ချောက်​)