မြို့ ၃ မြို့၏ မြစ်ရေ စိုးရိမ်ရေမှတ်အထက် ကျော်လွန်
DVB
·
August 30, 2018
ဒီနေ့မြန်မာစံတော်ချိန် ၁၄:၃၀ နာရီအချိန် တိုင်းထွာချက်အရ မြို့ ၃ မြို့ရဲ့ မြစ်ရေဟာ စိုးရိမ်ရေမှတ်အထက်ကို ကျော်လွန်နေပြီး မြစ်ကမ်းအနီးနဲ့ မြေနိမ့်ပိုင်းနေသူတွေ အထူးသတိပြုကြဖို့ မိုးဇလက သတင်းထုတ်ပြန်ပါတယ်။
စစ်တောင်းမြစ်ရေဟာ တောင်ငူမြို့ရဲ့ စိုးရိမ်ရေမှတ် အထက် ၂ ပေလောက် ကျော်လွန်နေပြီး နောက် ၁ ရက်အတွင်း စိုးရိမ်ရေမှတ်အထက် ဆက်လက်တည်ရှိနိုင်ပါတယ်။
စစ်တောင်းမြစ်ရေဟာ မဒေါက်မြို့ရဲ့ စိုးရိမ်ရေမှတ်အထက် ၃ ပေခွဲလောက် ကျော်လွန်နေပြီး နောက် ၅ ရက် အတွင်း စိုးရိမ်ရေမှတ်အထက် ဆက်လက်တည်ရှိနိုင်ပါတယ်။
သံလွင်မြစ်ရေဟာ ဘားအံမြို့ရဲ့ စိုးရိမ်ရေမှတ်အထက် ၄ ပေလောက် ကျော်လွန်နေပြီး လက်ရှိရေမှတ်မှ နောက် ၂ ရက်အတွင်း ပေ၀က်လောက်ကျဆင်းနိုင်ပြီး စိုးရိမ်ရေမှတ်အထက် ဆက်လက် တည်ရှိနိုင်ပါတယ်။
ဒါကြောင့် မဒေါက်မြို့၊ တောင်ငူမြို့နယ်နဲ့ ဘားအံမြို့နယ်တွေအတွင်းရှိ မြစ်ကမ်းအနီးနဲ့ မြေနိမ့်ပိုင်း နေထိုင်သူတွေ အထူးသတိပြု နေထိုင်ကြဖို့ အကြံပြုထားပါတယ်။
ဓာတ်ပုံ - မိုးဇလ
