ရန်ကုန်-မန္တလေးအမြန်လမ်း မိုင်တိုင် ၂၉၁/၆ နဲ့ ၇ အကြားမှာ ဇူလိုင် ၂၁ ရက်မနက်က အနက်ရောင် အိမ်စီးကား ALPHARD ယာဘက်နောက်ဘီးပေါက်ပြီး အရှိန်မထိန်းနိုင်ဘဲ တိမ်းမှောက်ခဲ့တာကြောင့် ကားပေါ်ပါသူ ၃ ဦးလုံး ဒဏ်ရာရသွားတယ်လို့ သီးကုန်အမြန်လမ်း ရဲစခန်းက သိရပါတယ်။ ဖြစ်စဉ်မှာ မန္တလေးကနေ နေပြည်တော်ဘက်ကို ကိုမြင့်ဟန် မောင်းလာတဲ့ 6J/8258 အနက်ရောင် အိမ်စီးကား ALPHARD ယာဘက်နောက်ဘီးပေါက်ပြီး အရှိန်မထိန်းနိုင်ဘဲ လမ်းလယ်ကျွန်းကို ကျော်တက်ကာ တဖက်ယာဉ်ကြောထဲမှာ တိမ်းမှောက်သွားတာပါ။ ကားပေါ်ပါလာသူ ယာဉ်မောင်း ကိုမြင့်ဟန်၊ မအက်စတာနဲ့ ရန်ပိုင်ထူးတို့ ၃ ဦးလုံး ဒဏ်ရာရပေမယ့် မစိုးရိမ်ရဘူးလို့ သိရပါတယ်။ သီးကုန်း အမြန်လမ်းရဲစခန်းတာဝန်ကျရဲအရာရှိက "သတင်းရရချင်း အခင်းဖြစ်နေရာကို ရဲတပ်ဖွဲ့ဝင် ၈ ဦးနဲ့ အမြန်လမ်း မီးသတ်တပ်ဖွဲ့ ကျန်းမာရေးအဖွဲ့တွေနဲ့ သွားခဲ့တယ်။ အမျိုးသား ၂ ဦး၊ အမျိုးသမီး ၁ ဦး ပွန်းပဲ့ဒဏ်ရာတွေရကြတယ်။ တပ်ဖွဲ့ပိုင်ကားနဲ့ပဲ မိတ္ထီလာဆေးရုံ ပို့ပေးရတယ် မစိုးရိမ်ရပါဘူး။ ကားကတော့ သိန်း ၂ဝ ဖိုးလောက် ပျက်တယ်ခန့်မှန်းတယ်" လို့ ဒီဗွီဘီကိုပြောပါတယ်။ ယာဉ်အား မဆင်မခြင်ပေါ့ဆစွာ မောင်းနှင်၍ မိမိနှင့်အခြားသူအား သာမန်/ပြင်းထန် ဒဏ်ရစေမှု ရာဇသတ်ကြီးပုဒ်မ ၃၃၇/၃၃၈ နဲ့ ယာဉ်မောင်း ကိုမြင့်ဟန်အား သီးကုန်းအမြန်လမ်း ရဲစခန်းမှာ အမှုဖွင့်အရေးယူထားတယ်လို့ သိရပါတယ်။ သတင်း-မောင်မောင်လင်း(ဝမ်းတွင်း)