ဖြိုးကိုကိုတင့်ဆန်း အမှု စတင်မစစ်ဆေးနိုင်သေး
အောင်ဆန်းဦး
·
May 2, 2018
တရားမဝင်လက်နက်မှု၊ မူးယစ်ဆေးဝါးမှုတွေနဲ့ ဖမ်းဆီးတရားစွဲနေရတဲ့ ဖြိုးကိုကိုတ့င်ဆန်း အမှုကို ပြည်ထောင်စုတရားလွှတ်တော်ချုပ်ရုံးကနေ အမှုတွဲနဲ့ စစ်ဆေးချက်တွေ ပြန်ပေးပို့ခြင်း မရှိသေးလို့ စတင်စစ်ဆေးနိုင်ခြင်း မရှိသေးပါဘူး။
ဖြိုးကိုကိုတင့်ဆန်းနဲ့ ပတ်သက်သူတို့ရဲ့ အမှုတွဲတွေကို ပြည်ထောင်စုတရားလွှတ်တော်ချုပ်ရုံးက ဧပြီ ၁၉ ရက်က တောင်းယူစစ်ဆေးပြီး လက်ရှိအချိန်အထိ ပြန်လည်ပေးပို့ခြင်း မရှိသေးတဲ့အတွက် ဒက္ခိဏခရိုင်တရားရုံးက မေလ ၉ ရက်မှာ ချိန်းဆိုလိုက်တယ်လို့ တရားစွဲဆိုခံထားရသူတဦးရဲ့ အကျိုးဆောင် တရားလွှတ်တော်ရှေ့နေ ဒေါ်တင်ပပထွန်းက ပြောပါတယ်။
“အမှုတွဲကိုတော့ ပြည်ထောင်စုတရားလွှတ်တော်က ယူသွားတဲ့အတွက်ကို ဒီနေ့ပြန်ပြီးတော့ ရုံးချိန်း ချိန်းပေးတယ်။ ရုံးထိုင်တရားသူကြီးက အစည်းအဝေးသွားနေတာ ဖြစ်တဲ့အတွက် ရုံးချိန်းကို တခြားတရားခွင်က တရားသူကြီးကနေမှ ရုံးချိန်း ၉ ရက်နေ့ကို ချိန်းပေးလိုက်တယ်။ အမှုတွဲ ပြန်လည်ရောက်ရှိခြင်း မရှိသေးဘူး။ ဒါကြောင့်မို့ ရုံးချိန်းပဲပေးတာ”
နေပြည်တော် အပြည်ပြည်ဆိုင်ရာလေဆိပ်မှာ လက်နက်နဲ့ မူးယစ်ဆေးဝါးတွေ တွေ့ရှိမှုနဲ့ ဖြိုးကိုကိုတင့်ဆန်း အပါအ၀င် ၁၅ ဦးတို့ကို မူးယစ်ဆေးဝါနှင့် စိတ်ကိုပြောင်းလဲစေတတ်သော ဆေးဝါများဆိုင်ရာဥပဒေ၊ မြန်မာနိုင်ငံတော်အစိုးရ လျှို့ဝှက်ချက်များအက်ဥပဒေ၊ ဆက်သွယ်ရေး ဥပဒေ၊ ပို့ကုန်/သွင်းကုန် ဥပဒေ၊ လက်နက်ဥပဒေ၊ လက်နက်(ယာယီပြင်ဆင်)ချက် အက်ဥပဒေ တို့နဲ့ အမှုပေါင်း ၁၇ မှုနဲ့ အရေးယူစစ်ဆေးနေတာဖြစ်ပါတယ်။
