မိတ္ထီလာတွင် ကားက ဆိုင်ကယ်ကို ဝင်တိုက်၊ ၂ ဦး သေဆုံး
DVB
·
February 22, 2018
မိတ္ထီလာ-တောင်ကြီးလမ်း မိုင်တိုင် ၆/၃ နှင့် ၄ အကြား ဖေဖော်ဝါရီလ ၂၁ ရက် ညနေမှာ တိုက်နယ်ဆရာဝန်ကားက အမျိုးသမီးတဦး မောင်းလာတဲ့ ဆိုင်ကယ်ကို တိုက်မိလို့ ၂ ဦးလုံး သေဆုံးသွားတယ်လို့ မိတ္ထီလာအမှတ်(၂) ရဲစခန်းက ပြောပါတယ်။
မိတ္ထီလာမှ သာစည်ဘက်ကိုလာတဲ့ ယင်းမာပင် တိုက်နယ်ဆေးရုံဆရာဝန် အသက် ၃၁ နှစ်ရှိ ဒေါက်တာအာကာသက်ပိုင် မောင်းလာတဲ့ Royal Crown ခဲရောင်ကားက သာစည်မြို့နယ် ချမ်းသာကြီးရွာက အသက် ၂၂ နှစ်ရှိ မအေးချမ်းဖြိုး ဆိုင်ကယ်ကို ဝင်တိုက်မိပြီးနောက် ရပ်ထားတဲ့ ထော်လာဂျီနဲ့ လမ်းဘေး ကုက္ကိုပင်ကို ထပ်တိုက်မိခဲ့တာပါ။
မိတ္ထီလာအမှတ် (၂) ရဲစခန်း ဒုရဲအုပ်လှမျိုးသူက “မအေးချမ်းဖြိုးက ညာဘက်ခြေထောက် ပြတ်တယ်။ ဦးခေါင်း ကြေမွသွားတယ်။ ဒေါက်တာအာကာသက်ပိုင်လည်း ဦခေါင်း ကြေမွသွားတယ်။ အခင်းဖြစ်နေရာမှာပဲ ၂ ဦးလုံး သေဆုံးတယ်။ ကွန်ပျူတာတက္ကသိုလ် အရှေ့ဘက် ဥယျာဉ်ရွာရှေ့မှာ ဖြစ်တာပါ။ ရန်အောင်မြင်အသင်းကားနဲ့ မိတ္ထီလာဆေးရုံ ပို့ပေးရတယ်” လို့ ပြောပါတယ်။
မိတ္ထီလာအမှတ် (၂) ရဲစခန်းက ဒေါက်တာအာကာသက်ပိုင်ကို ယာဉ်မဆင်မခြင် မောင်းလို့ လူသေမှု ရာဇသတ်ကြီးပုဒ်မ ၃၀၄-က နဲ့ အမှုဖွင့်ထားတယ်လို့ သိရပါတယ်။
သတင်း-မောင်မောင်လင်း(ဝမ်းတွင်း)
