ကတယ်ဆိုတာ သိပ်ကောင်းတဲ့လေ့ကျင့်ခန်းတခုပါ။ ဒါပေမယ့် ခန္ဓာကိုယ်အပေါ် ဒဏ်ဖြစ်စေပြီး အရိုးပွရောဂါလို အဆစ်အမြစ်ရောဂါတွေဖြစ်စေပါတယ်။ ဒါကြောင့် ပိုလန်သိပ္ပံပညာရှင်အဖွဲ့ဟာ လှုပ်ရှားမှုအာရုံခံဝတ်စုံသုံးပြီး ကနေစဉ်မှာ ကချေသည်တွေရင်ဆိုင်ရတဲ့ ရုပ်ပိုင်းဆိုင်ရာဖိအားတွေကို တိုင်းတာနေပါပြီ။ စီလက်ရှန်နည်းပညာတက္ကသိုလ်က ပါမောက္ခရောဘတ်မစ်ရှနစ်နဲ့အဖွဲ့ဟာ ဆင်ဆာတွေ တပ်ဆင်ထားတဲ့ အထူးဝတ်စုံကို ဖန်တီးခဲ့ပါတယ်။ ဒီဝတ်စုံကို ထူးခြားသွားစေတဲ့အချက်ကတော့ မှတ်တမ်းတင်စနစ်နဲ့တွဲသုံးရင် ဒီဝတ်စုံက အသေးစိတ်တိုင်းတာပြီး ကနေချိန်မှာ အရိုးငြမ်းနဲ့ကြွက်သားတွေ ထမ်းရတဲ့ဝန်တွေကို အကဲဖြတ်နိုင်ပါတယ်။ "ဒီဝတ်စုံက စနစ် ၂ ခုဆီကနေ တိုင်းတာမှုအချက်အလက်တွေကိုကောက်ယူပြီး ခန္ဓာကိုယ်အနေအထားက ထမ်းရတဲ့ ၀န်အပေါ် ဘယ်လိုလွှမ်းမိုးတယ်ဆိုတာကို သရုပ်ခွဲပေးနိုင်တယ်။ ဒီအချက်အလက်တွေကနေ လေ့လာမှုတွေလုပ်နိုင်တယ်။ ဒါ့အပြင် ကျနော်တို့က သင်္ချာညီမျှခြင်းတခုကိုလည်း ပြင်ဆင်ထားတယ်။ ကြွက်သားတွေက ထွက်လာတဲ့ အားတွေကို တွက်ထုတ်နိုင်တဲ့အတွက် အဆစ်အမြစ်တွေထဲက တုံ့ပြန်မှုတွေကို သိနိုင်တာပေါ့" လို့ ပါမောက္ခရောဘတ်မစ်ရှနစ်က ပြောပါတယ်။ ဒီရလဒ်တွေက သုတေသနပညာရှင်တွေအဖို့ ကချေသည်တယောက်ရဲ့ အဆစ်အမြစ်တွေပေါ်မှာ ဖြစ်လာမယ့် ရေရှည်အကျိုးသက်ရောက်မှုတွေကို ဆုံးဖြတ်ရာမှာ ထောက်ကူပေးမှာပါ။ ကွေးညွှတ်ပြီး ခုန်လိုက်တာမျိုးက ပေါ့ပေါ့ပါးပါနဲ့ ရှုချင်စဖွယ်ဖြစ်ပေမယ့် ကချေသည်တွေရဲ့ ခန္ဓာကိုယ်ပေါ်မှာ အကြီးအကျယ် ဒဏ်သင့်စေပါတယ်။ ဒီဝတ်စုံရဲ့အကူအညီနဲ့ သူတို့အဖွဲ့ဟာ ရှေးရိုးဘဲလေးကချေသည်တွေ ရင်ဆိုင်ရတဲ့ အရိုးတွေ အဆစ်အမြစ်တွေပေါ်မှာဖြစ်တဲ့ ဒဏ်တွေကို အကဲဖြတ်ခဲ့ပါတယ်။ တိုင်းတာမှုတွေအရ မြေပြင်ရဲ့ဒေါင်လိုက်သက်ရောက်အားဟာ ကချေသည်ရဲ့ ကိုယ်အလေ့ချိန်ရဲ့ ၁၀ ဆ သက်ရောက်တာကို တွေ့ရှိခဲ့ရပါတယ်။ အကပညာရှင် မဂ်ဒဲလီနာ ၀ရက်ဇလိုစကာကတော့ သူမရဲ့ အရိုးငြမ်းတွေပေါ်မှာ ဒီလောက်ထိ ဖိအားတွေသက်ရောက်နေမှန်း မသိခဲ့ပါဘူးလို့ဆိုပါတယ်။ "ဘဲလေးအကသင်တန်း ကျောင်းစတက်တုန်းကသာ ဒါတွေကိုသိခဲ့ရင် ဒီအသက်မွေးဝမ်းအလုပ်ကို ရွေးဖြစ်ပါ့မလား မသိဘူး။ ဒါပေမယ့် လုပ်သင့်တယ်ထင်လို့ လုပ်ခဲ့တာပဲလေ။" သုတေသနပညာရှင်တွေကတော့ သူတို့ရဲ့သုတေသနရလဒ်တွေဟာ အကပညာရှင်တွေနဲ့ သင်တန်းဆရာတွေကို ခန္ဓာကိုယ်ပေါ် ဒဏ်အပိသက်သာစေမယ့် လေ့ကျင့်ခန်းတွေ ကကွက်တွေ ဆန်းသစ်တီထွင်ရာမှာ အထောက်အကူပြုနိုင်မယ်လို့ မျှော်လင့်ထားပါတယ်။ [gallery ids="95322,95323,95324,95325,95326,95327,95328,95329,95330,95331"]