အိတ်ဆောင်အရွယ်အစားရှိတဲ့ လက်ဗွေဖတ်စက်လေးဟာ ဖွံဖြိုးဆဲနိုင်ငံတွေက လူတွေအတွက် ကျန်းမာရေးစောင့်ရှောက်မှုကို မြှင့်တင်ပေးနိုင်ပါတယ်။ ဒီဖတ်စက်လေးမှာပါတဲ့ အက်ပလီ ကေးရှင်းကတဆင့် လူနာရဲ့ကျန်းမာရေးမှတ်တမ်းတွေကို ကျန်းမာရေးဝန်ထမ်းတွေရဲ့ဖုန်းထဲကို ပို့ပေးနိုင်တယ်လို့ Simprints ကုမ္ပဏီရဲ့နောက်ကွယ်မှ တီထွင်သူ ဗြိတိသျှကျောင်းသား/သူတွေ က ဆိုပါတယ်။ ဆော့ဖ်ဝဲ ကို ဦးဆောင်တီထွင်သူကတော့ ထရစ်ထရမ်နော်မန်ဖြစ်ပါတယ်။ "ကျန်းမာရေးဝန်ထမ်းတစ်ယောက် ဒီကွန်ရက်ထဲကို ၀င်လာပြီဆိုတာနဲ့ အဲ... သူတို့မှာ ဖုန်းတို့ တက်ဘလက်တို့ ပါမှာပေါ့နော်။ ပြောလိမ့်မယ် .. ကဲ .. ဒီလူနာတွေကို ကျနော်တို့ကြည့်ပေး တော့မယ်။ လိုအပ်တဲ့ကုသမှုတွေပေးတော့မယ်။ အဲလိုပြောပြီးတာနဲ့ သူတို့က .. ကောင်းပြီ .. ခင်ဗျားလက်ဗွေကို တင်လိုက်တော့လို့ ပြောလိမ့်မယ်။ နောက်တော့ သူတို့ကဒီလက်ဗွေကို သုံးပြီး မှတ်တမ်းတင်ထားတဲ့အချက်အလက်တွေကိုရှာလိမ့်မယ်။ ပြီးရင် သူတို့က .. ခင်ဗျားမှာ လက်ရှိ ဆေးမှတ်တမ်းတွေရှိတယ်နော်။ ကျနော်တို့ ၀င်ကြည့်လို့ရမလားလို့ မေးလိမ့်မယ်။" ဒီစနစ်က ပင်မဒေတာဘဏ်ထဲမှာ သိုလှောင်ထားတဲ့ ကျန်းမာရေးမှတ်တမ်းတွေကို ၀င်ရောက် ကြည့်ရှုနိုင်ပါတယ်။ ကွန်နက်ရှင်အကန့်အသတ်ရှိတဲ့ ဒေသတွေမှာတော့ ကျန်းမာရေးဝန်ထမ်း တွေဟာ အင်တာနက်အကူအညီမပါဘဲ ဆေးမှတ်တမ်းတွေကို update လုပ်ရပါတယ်။ ဒီစနစ် ဟာ ဖုန်းမှာ အချက်ပြကိုလက်ခံရရှိပြီဆိုတာနဲ့ ဒေတာဘဏ်ထဲက အချက်အလက်တွေကို အလိုအလျောက် ပြောင်းယူနိုင်ပါတယ်။ ဝေးလံခေါင်ဖျားဒေသတွေက လူနာတွေရဲ့မွေးလက်မှတ် တွေ နိုင်ငံကူးလက်မှတ်တွေဟာ စာရွက်အဖြစ်သာရှိနေပြီး ကွန်ပျူတာဒေတာအဖြစ်တင်မထားတဲ့ အတွက် ကျန်းမာရေးဝန်ထမ်းတွေအဖို့ သူတို့ကို ခွဲခြားမှတ်သားဖို့ အခက်အခဲဖြစ်ရပါတယ်။ Simprints ကုမ္ပဏီကတော့ ဒီအခက်အခဲကို ဖြေရှင်းပေးနိုင်ဖို့ မျှော်လင့်ထားပါတယ်။ သူတို့ရယူ လိုက်တဲ့ဒေတာတွေဟာ လုံခြုံမှုရှိပါတယ်လို့ စီအီအို တိုဘီနော်မန် က အခိုင်အမာဆိုပါတယ်။ "ပထမဆုံးအချက်အနေနဲ့ပြောရရင် ကျွန်တော်တို့က လူနာရဲ့ဆေးမှတ်တမ်းတွေနဲ့ တိုက်ရိုက် အလုပ်လုပ်တာမဟုတ်သလို အဲဒီအချက်အလက်တွေကို တိုက်ရိုက်ဝင်ကြည့်တာတွေ ကူးယူ ထားတာတွေမလုပ်ပါဘူး။ ဒါတွေကို ကျွန်တော်တို့နဲ့တွဲလုပ်နေတဲ့ အဖွဲ့အစည်းက ထိန်းချုပ် ထားတာပါ။ ဒုတိယအချက်အနေနဲ့ပြောရရင် မူလလက်ဗွေပုံရိပ်တွေကို ထုတ်လွှင့်တာမျိုးမလုပ် ပါဘူး။ ဒီတော့ ကျွန်တော်တို့လုပ်တာက ရွေးနှုတ်ထုတ်ယူတဲ့နည်းစဉ်ကိုပဲ သုံးပါတယ်။ ဒီနည်းနဲ့ပဲ လက်ဗွေပုံရိပ်ကို လိုအပ်တဲ့အချက်အလက်တွေအဖြစ်ပြောင်းလိုက်တာပါ။ ဒါက စကန်နာပေါ်မှာ တင် လုပ်လိုက်တဲ့အတွက် ဒီပုံရိပ်က စကန်နာထဲမှာပဲကျန်ခဲ့တာပါ။ အွန်လိုင်းဘဏ်စနစ်တွေမှာ သုံးတဲ့ စာဝှက်မျိုးကိုပဲသုံးထားတဲ့အတွက် ဖုန်းနဲ့ ဆာဗာကြားမှာ ကူးလူးနေတဲ့ဒေတာတွေကို လုံခြုံမှုရှိစေပါတယ်။" ဂိတ်စ် ဖောင်ဒေးရှင်းက ရန်ပုံငွေတစိတ်တပိုင်းထောက်ပံ့ထားတဲ့ ဒီအဖွဲ့ဟာ စကန်နာဒီဇိုင်း ၅ မျိုးကို ဘင်းဂလားဒေ့ရ်ှနိုင်ငံမှာ စမ်းသပ်နေပါပြီ။ လူကြိုက်အများဆုံးဒီဇိုင်းကို နောက်နှစ်ကျရင် ထုတ်လုပ်သွားမှာပါ။ စကန်နာတစ်လုံးကို ဒေါ်လာ(၅၀)ကျသင့်မှာဖြစ်ပြီး ဒါက လူတိုင်းဝယ်နိုင်တဲ့ ဈေးနှုန်းပါလို့ Simprints ကုမ္ပဏီရဲ့အကြံဥာဏ်ကိုရယူနေတဲ့ NGO အဖွဲ့အစည်းတွေက ဆိုပါ တယ်။ ကလေးငယ်ပေါင်းတစ်သန်းခွဲဟာ ကာကွယ်ဆေးနဲ့ဟန့်တားနိုင်တဲ့ရောဂါတွေနဲ့ နှစ်စဉ် သေဆုံးနေရပါတယ်။ Simprints ကုမ္ပဏီကတော့ ဒီအရေအတွက်ကို သူတို့ထုတ်လုပ်တဲ့ စကန်နာရဲ့အစွမ်းနဲ့ လျှော့ချပစ်နိုင်မယ်လို့ မျှော်လင့်ထားပါတယ်။ [gallery ids="93094,93095,93096,93097,93098,93099,93100"]