နောင်နှစ်ခါလည်း ဆီးလို့ကြိုကွယ်..မောင်ကြီးလာပါမယ် ... ဟု လက်ဆင့်ကမ်းခဲ့သော မန္တလေးရှေးဟောင်းသင်္ကြန် ...၊ အခု ...။ နိဂုံးကမ္ပတ်၊ အဆုံးသတ်ပြီလော ...။ ၏ဆောင်းနှင်းငွေ့ မပျယ်မီမှာပင် သင်္ကြန်ခံစားမှုက ပူးဝင်လာချေပြီ။ သည်လို ခံစားမှုလေးတွေ ပူးဝင်လာတော့ အိမ်ရှိ သင်္ကြန်သီချင်းမူရင်း အဟောင်း လေးတွေ ပြန်ရှာ နားထောင်ကာ ဆွတ်ပျံ့ဖွယ် အတိတ်စာမျက်နှာများကို ပြန်လှန်ရသည်ချည်း။ သင်္ကြန် ရင်ခုန်သံကလည်း အတိတ်မှာပဲ ကျန်ရစ်ခဲ့သည်လေ။ တူးပို့ တူးပို့ ဒိုးဆစ်သံနဲ့ အတူ ပိတောက်ပွင့်တွေ လှုပ်ခါနေ၏။ အစိမ်းစွက်သော အ၀ါရောင်ပုံရိပ်တွေ ယိမ်းထိုးသွားသည်။ (က) ထိုနှစ်တွင် အိမ်ရှေ့ပိတောက်ပင်က ရှားရှားပါးပါး ပိတောက်တွေ ကြိုပွင့်သည်။ သင်္ကြန်ရောက်ဖို့ ၁ လနီးပါးတော့ လိုသေး။ သို့သော် ၀င်းထိပ် ကိုဘစိမ်းလက်ဖက်ရည်ဆိုင်ရှေ့ မန်ကျည်းပင်ကြီးမှာ သင်္ကြန်ကြော်ငြာဆိုင်းဘုတ်တွေ ပလူပျံနေ၏။ လှထိပ်တင် .. ရေသဘင် ၀င်ကြေး ၁၅ ကျပ်နှင့်စာရင်း ပေးနိုင်ပြီ မြရိပ်ညိုတောင်သမန်နှင့် မြောင်ပတ်ယံမန်းမြေအမော့မှာ သလ္လာသက်ဦးတို့ပျော်မည် နွေဦးပေါက်မို့ တစ်ခေါက်တစ်ခါ ... မန်းမြို့တော်မှာ အလည်လာခဲ့ပေါ့၊ တောကသာဂိတို့ သင်္ကြန်ဝယ် အမြင်မတော်တာတွေ ပြောချင်လွန်းလို့ ၀င်ကြေး ၂၀ ကျပ် သင်္ကြန်ကြော်ငြာဆိုင်းဘုတ်တွေနဲ့အတူ အရပ်ထဲ၊ ၀င်းထဲ၊ ပြထဲမှာ သင်္ကြန်တီးလုံး တိုက်သံတွေ ကြားလာရ၏။ ၀င်းလယ်ကွက်လပ်ကြီးထဲ အောက်လင်းမီးတွေ ထိန်ထိန်ထွန်းပြီး တီးလုံးတိုက်၊ သီချင်းတိုက်၊ အကတိုက်ကြသည်။ သည်ကတည်း က စွဲငြိဖွယ်၊ နှစ်သက်ဖွယ် သင်္ကြန်သီချင်းတွေက အရပ်ထဲ၊ ဈေးထဲအထိ ပျံ့လွင့်နေရာယူခဲ့ပြီ။ သည်နှစ် သင်္ကြန်အတွက် ဗဟို ဆုပေးမဏ္ဍပ်ကြီးက ဗိုလ်ချုပ်အောင်ဆန်းလမ်းမကြီးပေါ် ဟံသာဝတီ သတင်းစာ တိုက်ကြီးရှေ့မှာ ဆောက်မှာတဲ့။ သစ်သားတွေပင် ချထားပြီးပြီတဲ့။ ဗဟိုမဏ္ဍပ်အတွက် သင်္ကြန်ယိမ်းအဖွဲ့ကို မြို့တော်ခန်းမ ၁ မှာ တိုက်နေကြပြီ။ ဌာနဆိုင်ရာအသီးသီးက မန်းမြို့သူ ညိုပြာညက်တို့ ယဉ်ယဉ်ကြော့ကြော့ သီဆိုကခုန်ကြပေါ့။ ရွှေမန်းမေတဲ့၊ ယမင်းရွှေစင်တဲ့၊ ယမင်းသူဇာတဲ့၊ ပတ္တမြားသူဇာတဲ့၊ မေထားဝယ်တဲ့၊ ငုရွှေဝါတဲ့၊ မေသစ်လွင်တဲ့၊ အကကောင်း အမျိုးသမီး ရေသဘင်အဖွဲ့တွေက နှစ်စဉ် ပရိသတ်အာရုံစိုက်စရာတွေချည်း ဖြစ်နေသည်။ ထိုနှစ် ဗဟိုမဏ္ဍပ်မှာ သင်္ကြန်ယိမ်းအကကို မန္တလေးပန်တျာက အကနည်းပြ ဆရာမလေးက တာဝန်ယူသတဲ့။ ထိုသတင်းကလည်း ဟံသာဝတီသတင်းစာမှာ ဖော်ပြပါ ရှိသည်။ ထို့ကြောင့်လည်း မြို့တော်ခန်းမ ၁ မှာ အကတိုက်နေသော ဗဟိုမဏ္ဍပ်ယိမ်းအဖွဲ့ကို မြို့လူထုက စိတ်ဝင်စားနေသည်။ အခြားအသင်းအဖွဲ့ အကတိုက်၊ တီးလုံးတိုက်ကြတာ ၀င်းထဲ၊ ရပ်ထဲမို့ သီချင်းတွေ၊ အကတွေ ကြိုတင်နားဆင် မြင်တွေ့ရသော်လည်း ဗဟိုမဏ္ဍပ်အဖွဲ့က မြို့တော်ခန်းမ ၁ မှာ တံခါးပိတ် တီးလုံးတိုက်တာမို့ သူတို့ သီချင်း၊ သူတို့အကတွေ ကြိုကြားခွင့်၊ ကြိုမြင်ခွင့်မရသေး။ ထို့ကြောင့်လည်း ပိုမိုကြားလိုမြင်လိုကြသည်။ သည်ဆန္ဒက သင်္ကြန်အကြိုနေ့မတိုင်မီ ၁ ရက်ကြို ၀တ်စုံပြည့် ပြင်ဆင် ဖျော်ဖြေသည့်ညမှာ ပြည့်ချေပြီ။ ပြိုင်ပွဲဝင်အသင်းတွေ မရှိသေးသည်မို့ ဗဟိုမဏ္ဍပ်က သီချင်းတွေ၊ အကတွေချည်း ဆက်တိုက်ကြည့်ရှုရမည်မို့လည်း ပရိသတ်က ခဲခဲ လှုပ်နေ၏။ မြောက်ဘက် ၂၉ လမ်းထိပ် ဘဂ၀မ်ဒတ်စ်ဘာဘူတိုက်အနီးကပင် ယာဉ်အ၀င်အထွက် မရှိရအောင် သံဆူးကြိုးတွေနဲ့ လမ်းပိတ်ထားရ၏။ ထို့အတူ တောင်ဘက် ၃၁ လမ်းထိပ် ရွှေမောင်းတိုက်အနီးကလည်း အလားတူ လမ်းပိတ်ထားရသည်။ ထိုပြ ပေါက်များအတွင်း ပရိသတ်က အပြည့်အကျပ် ညပ်လို့။ ဟံသာဝတီ သတင်းစာတိုက် ဖွင့်လှစ်ထားသော နီညိုရောင် ရှေးဟောင်းအုတ်တိုက်ကြီးရှေ့က ဗဟိုမဏ္ဍပ်ကြီးကလည်း မီးရောင်များအောက် ခံ့ညားလှပနေ၏။ ကခွင်စင်က ပိုမိုကျယ်ဝန်းသည်။ မြန်မာမှုပန်းကနုတ်တွေ ပြင်ဆင်ထားသော နောက်ခံစင်မြင့်ရှေ့မှာ ပဉ္စရူပရုပ်ကြီးနဲ့ မှန်စီရွှေချဆိုင်းဝိုင်းကြီးက နေရာ ယူထားသည်။ မြန်မာ့ဆိုင်းဝိုင်းကြီး၏ ဘယ်ဘက်မှာ နီကယ်ရောင် တောက်ပနေသော လေမှုတ်တူရိယာများနဲ့ ခေတ်ပေါ်တီးဝိုင်း။ စင်ပေါ်မှာ တီးမှုတ်သီဆိုကခုန်မည့်သူများမှအပ အခုလို ဆိုဖာခုံကြီးများ၊ ဆက်တီများနဲ့ စားသောက်ဖွယ်ရာအစုံအလင်ဖြင့် ဇိမ်ခံ အသားယူကြမည့် မိသားစုများ၊ ဧည့်သည်တော်များ မရှိကြသေး။ တီးမှုတ်သီဆို ကခုန်မည့် အနုပညာရှင်များ၏ မိသားစုများ၊ မြို့ခံ စာပေဂီတသဘင် အနုပညာရှင်များ၊ သတင်းစာဆရာများနဲ့ အကဲဖြတ်များအတွက်သာ ကခွင်စင်ကြီး တဖက်တချက်မှာ ခေါက်ကုလားထိုင်များ စီတန်းချထားသည်။ သို့သော် ထိုစင်က ကခွင်စင်ထက် နှိမ့်ထား၏။ တပြေးညီမဟုတ် ...။ ပါသည်ဆိုရုံ ...။ အကြို့အရင်ညကပင် ဗဟိုမဏ္ဍပ်က သီချင်းတွေက ပရိသတ်ရင်ထဲ စွဲသွားသည်။ ထိုသီချင်းများနဲ့ အတူ ထူးခြားစွာ ညက်ညောလှပသော ကကွက်များကလည်း ပရိသတ်ကို တသသ ဖြစ်သွားစေ၏။ နားဆင်ကြည့်ပါဦးလေ ... အို .. အမောင်လူသား အသင် ဟိုမှာကြည့်စမ်း ..၊ အခိုင့်အခိုင်ဝေဆာလွင် ... ဝေဖြာပွင့်လန်း .. ပန်းမျိုးတစ်ရာစုံလင် ဒီအတာရေသဘင် ရောက်ပြန်လေလျှင် ... အမြင်မဆန်း၊ ညစ်နွမ်းသမျှ ရေစင်ပက်ဖျန်းရွှင်လန်းစေချင်... (ခ) ထိုနှစ်က အမျိုးသား အလှပြယာဉ် ထဲမှာ နာမည်ကြီးနေ တာက စေတ နာ ဖြစ်၏။ မန္တလေး ဆေးတက္ကသိုလ် က အနုပညာဝါသနာရှင်များ ဟု ဆိုသည်ထက် အဆိုအတီးတွင် ပညာရှင်များဟုပင် ဆိုရလောက်သည့် ပုဂ္ဂိုလ်များအပြင် ဂုဏ်ထူးဦးသိန်းနိုင်ကဲ့ သို့သော ပြင်ပပညာရှင် ကလည်း ၀န်းရံသည်။ ဂုဏ်ထူး ဦးသိန်းနိုင်၏ သင်္ကြန်နဲ့ ပတ်သက်သည့်၊ မြန်မာ့ ယဉ်ကျေးမှုနဲ့ ပတ်သက်သည့် ပရိကံစကားများကလည်း ပရိသတ်ထောင်သောင်း ညွှတ်ကျ သွားလောက်သည်။ ထိုစိန်ပွင့်များကို ပတ္တမြားရံသည့်အနေနဲ့ မန္တလေး မှ အော်တိုဆိုက်ဆိုဖုန်း လေမှုတ်ပညာရှင်လူငယ်တဦးကလည်း စေတနာ မှာ ပါဝင်လာသည်။ သူက အော်တို ဆိုက်ဆိုဖုန်းကို မြန်မာ့နှဲဝိဇ္ဇာတယောက်ကဲ့သို့ နိုင်နင်းလှသည်။ မြန်မာမှုသံစဉ်များကို အော်တိုဆိုက်ဆိုဖုန်းဖြင့် အတွဲ့အနွဲ့၊ အမဲ့အရွဲ့၊ အဆွဲအဖဲ့များဖြင့် မနားတမ်း ဒရစပ် မှုတ်နိုင်သူလည်း ဖြစ်သည်။ သင်္ကြန်အကြိုနေ့ကတည်းက စေတနာ အလှပြယာဉ်က တောင်ပြင်တ၀ိုက်မှာ လှည့်လည် ဖျော်ဖြေရင်း နာမည်ကျော်မင်းသမီးများ ဦးစီးသော အမျိုးသမီးမဏ္ဍပ်များတွင် အော်တို ဆိုက်ဆိုဖုန်းနဲ့ မင်းသမီးများ ပြိုင်ပွဲသတင်းက တမြို့လုံးတမု ဟုတ်ချင်းပျံ့နှံ့သွားတော့၏။ ဘယ် မဏ္ဍပ်မှာ ဘယ်မင်းသမီးဖြင့် က ရင်း ပုံကျသွားလို့တဲ့။ ဘယ်မင်းသမီးကတော့ ၄၅ မိနစ်အကြာမှာ ဆက်မကနိုင်လို့ အရှုံးပေးလိုက်ရသတဲ့စသည့် စသည့် သတင်းက ထိုနှစ်သင်္ကြန်၏ အမျိုးသမီးဧည့်ခံ မဏ္ဍပ် ၁၀၀ ကျော်၊ အမျိုးသားအလှပြနဲ့ သံချပ်အသင်းပေါင်း ၁၀၀ ကျော်၊ စင်ချင်း၊ ကားချင်းဆက်မျှ မြို့လုံးကျွတ်အုန်းအုန်းကြွက်ကြွက် ညံသည်။ သင်္ကြန်သီချင်းသံများအကြား ထူးထူးခြားခြား ထင်ရှားထွက်ပေါ်နေသည့် သတင်းလည်း ဖြစ်သည်။ မြို့က မွေးထုတ်ပေးသည့် မြို့ခံပညာရှင်များအချင်းချင်း အနိုင်မခံ ယှဉ်ပြိုင်ကြသည့် အနုပညာပြိုင်ပွဲမို့လည်း ပိုမိုစိတ်ဝင်စားကြ၏။ စေတနာ အလှပြယာဉ်၏ အော်တိုဆိုက်ဆိုဖုန်းအစွမ်းက ပြိုင်ပွဲတိုင်းမှာ အနိုင်ချည်းဖြစ်နေသည်။ အကြို၊၊ အကျ၊၊ အကြတ် .. ရက်များအထိ..။ ကဲ ..သင်္ကြန်အတက်နေ့ရောက်ပြီ။ စေတနာ အလှပြယာဉ်ရောက်ဖို့က ဗဟိုမဏ္ဍပ်ပဲ ရှိတော့၏။ သေချာပြီ။ သည်နေ့ ဗဟိုမဏ္ဍပ်မှာ စေတနာ ရောက်မည်။ အော်တိုဆိုက်ဆိုဖုန်း ဆရာလေးနဲ့ ဗဟိုမဏ္ဍပ်က အကနည်းပြဆရာမလေးတို့ တွေ့ကြမည်။ ပွဲကြီးပွဲကောင်း ...။ အကနည်းပြဆရာမလေးကလည်း ဆရာမဟု ဆိုသော်လည်း အသက် ၂၀ ကျော်သာ ရှိသေး။ သူက အငြိမ့်မင်းသမီးတော့ မဟုတ်။ ပန်တျာက ကျောင်းဆင်းအပြီး နာမည်ကျော် အငြိမ့်အဖွဲ့တဖွဲ့တွင် ရှေ့ထွက်အဖြစ် ၆ လမျှပင် မကရသေး။ အိမ်တော်အစီအစဉ်နဲ့ မြန်မာအကဗေဒ ပြဋ္ဌာန်း မှတ်တမ်းတင်ရေး အစီအစဉ်တခုအတွက် နည်းပြဆရာမအဖြစ် တာဝန်ယူထားရသူ ဖြစ်သည်။  ပန်တျာကျောင်းသူဘ၀မှာလည်း သင်္ကြန်တခု၌ တိုင်းလုံခြုံရေးနဲ့ အုပ်ချုပ်မှုကော်မတီဥက္ကဋ္ဌ (ထိုစဉ်က အနောက်မြောက်တိုင်းစစ်ဌာနချုပ် တိုင်းမှူး)၏ ဂုဏ်ထူးဆောင် ငွေဖလားဆုကြီး ရရှိထားသူလည်း ဖြစ်၏။ သူကလည်း မြန်မာအကနှင့် ပတ်သက်လျှင် ထိုအချိန်က နာမည်ကျော်။ သင်္ကြန်အတက်နေ့ည ဗဟိုမဏ္ဍပ်မှာ မြန်မာ့အနုပညာ အကျော်အမော် ၂ ဦး ပြိုင်ပွဲ မြင်ကြရမှာမို့ ပရိသတ်က ညနေစောင်းကတည်းက ဗိုလ်ချုပ်အောင်ဆန်းလမ်းမကြီးပေါ်  ပြည့်လျှံသွားတော့၏။ အတက်နေ့မို့လည်း ဆုယူမည့် အလှပြယာဉ်တွေ၊ သံချပ်အဖွဲ့တွေကလည်း ဗဟိုမဏ္ဍပ် တောင်ဘက်ခြမ်းမှာ တန်းစီနေရာ ယူထားကြသည်။ အတက်နေ့မို့ နောက်ဆုံးပိတ် အိတ်နဲ့ လွယ်ဆိုသလို တမြို့လုံးလည်း အခါတိုင်းနေ့များထက် စောစီးစွာ သီချင်းသံ၊ ဂီတသံ၊ သံချပ်သံတွေ လွှမ်းနေသည်။ ဗဟိုမဏ္ဍပ်ယိမ်းအဖွဲ့ကလည်း ပရိသတ်အင်အားကြောင့် အချိန်မဆိုင်းဘဲ သီဆိုကပြ ဧည့်ခံနေသည်။ သည်ကမ်း ... သည်သောင်၊ သည်တောင် .. သည်ယာ သည်ရွာ .. သည်မြို့၊ သည်သို့ .. သည်ဓလေ့ .. ပျော်မွေ့နှစ်ခြိုက် .. စရိုက်အစဉ်အလာ ...။ သည်မြေမှာမွေး .. သည်မြေသွေးပင် ... သည်မြေကိုလျှောက် ... သည်ရေသောက်လျှင် ပန်းပိတောက်တို့ပမာထင် အပင်ချင်းယှက် .. အခက်ချင်းယှဉ် ... ပန်းပိတောက်ရဲ့ ရွှေမျက်နှာ ၀င်းထိန်လို့ဝါ ... အနွယ်ချင်းယှက် .. အခက်ချင်းယှဉ် .. တစ်ပွင့်မြေသက်၊ တစ်ပွင့်တက် တစ်ခက်ပက်ကြွေ .. တစ်ခက်ဝေ သည်အတာ သည်ရေသဘင် အားသစ်မာန်သစ်ဝင် … ဆန်းသစ်လှသောစာသား၊ တေးသွားနဲ့ သီချင်းဂီတသံတွင် ညီညာညက်ညောလှသော သင်္ကြန်အကများက ထောင်သောင်းချီ ပရိသတ်၏ အာရုံကို တုတ်တုတ်မျှ မလှုပ်အောင် ဖမ်းစား ထားနိုင်၏။ ဤသို့ဖြင့် သင်္ကြန်ယိမ်းတွေကအပြီး လှုပ်လှုပ်ရွရွ ဖြစ်သွားသော ပရိသတ်အသံနှင့် အတူ တောင်ဘက်ကျောက်သွေးတန်းဆီမှ ဗိုလ်ချုပ်အောင်ဆန်းလမ်းအတိုင်း အလှပြယာဉ် တစီးက မီးရောင်စုံ ထွန်းညှိပြီး တေးဂီတသံသာများနဲ့ အတူ ဆုယူရန် တန်းစီရပ်ထားသော အခြား အလှပြယာဉ်များ၊ သံချပ်အဖွဲ့ယာဉ်များကို ကျော်၍ ဗဟိုမဏ္ဍပ်သို့ တငြိမ့်ငြိမ့် ၀င်ရောက်လာ၏။ ပရိသတ်များက အချင်းချင်း ပူးကပ်ရှဲပေး၍ အလှပြယာဉ်ကို နေရာပေးသည်။ ကားဦးမှာ သမားတော်၏ ဆေးကြိမ်လုံးကို မြွေ ၂ ကောင် ရစ်ကာ ပါးပြင်းထောင်နေသည့်တံဆိပ်က အော်တိုမစ်တစ်မီးလုံးများနဲ့ ထင်ရှားနေသည်မို့ ပရိသတ်၏ သြဘာသံက ဆူညံသွားသည်။ မျှော်လင့်တောင့်တနေသည့် စေတနာ အလှပြယာဉ်။ စေတနာက ဗဟိုမဏ္ဍပ်ရှေ့ ရောက်သည်နဲ့ ဂုဏ်ထူးဦးသိန်းနိုင်၏ ပဏာမ အဖွင့်စကားအပြီး အော်တိုဆိုက်ဆိုဖုန်းဆရာက သူကိုယ်တိုင် ရေးစပ်သော သီချင်းလေးကို တိုက်ပုံအင်္ကျီအပေါ်အိတ်မှာ အသင့်ထိုးထားသော ပိတောက်ခက်လေး ကိုင်ကာကိုင်ကာ သီဆိုတော့၏။ ပရိသတ်က ကြုံဖူးပြီးမို့ သြဘာ လက်ခုပ်ကျသွားသည်။ ဆက်တိုက်ဆိုသလို ဘ၀ဂ်ညံမျှ သြဘာလက်ခုပ်ကျသွားပြန်တာက သင်္ကြန်ယိမ်းသမများအလယ် ကျုံ့ကျုံ့လေး ထိုင်နေသော အကနည်းပြဆရာမလေးက ထကာ ထဘီကို ပြင်ဝတ်ပြီး စင်ရှေ့ထွက်၍ ကပြလိုက်ခြင်းမို့ ဖြစ်သည်။ ပွဲကြီးပွဲကောင်းတွေ့ပြီ။ အော်တိုဆိုက်ဆိုဖုန်းဆရာက သီချင်းအပြီး သူ့လက်စွဲအော်တို ဆိုက်ဆိုဖုန်းကို ကောက်ပြီး သီချင်းသွားကို မှုတ်လိုက်၏။ သီချင်းသွားက ယိုးဒယားအသွား ဖြစ်သည်။ အက ကလည်းညက်ညက်ကလေး။ ထိုယိုးဒယားအသွားမှာ ဖျင်းချဉ်အပိုဒ်လို ရေလည်စိမ် ပဒေသာသီချင်းများ အကုန်ဆိုပါတော့ ...။ အကနည်းပြဆရာမလေးကလည်း တေးသွားစည်းချက် အလိုက် နုနုလှလှလေး ကနေ၏။ ပရိသတ် သြဘာ လက်ခုပ်ကျသွားသည်။ ဤသို့ဖြင့် နာရီဝက်၊ ၄၅ မိ နစ်၊ ၁ နာရီ။ ၂ ယောက်စလုံး အလျော့မပေးကြသေး ...။ အတက်နေ့မို့ ဆုပေးမည့် အစီအစဉ်တွေ မစရသေး။ ဗဟိုမဏ္ဍပ်မှ တာဝန်ရှိလူကြီးများက ရပ်စေချင်ပြီ။ ထို့ကြောင့် ပြိုင်ပွဲဝင်အသင်းများအတွက် တပ်ဆင်ထားသော ချိန်မှတ် မီးနီကို မကြာခဏ အချက်ပြ၍ စေတနာအသင်း၏ တီးမှုတ်မှုကို ရပ်စေ၏။ မရ။ စေတနာအသင်းက အော်တိုဆိုက်ဆိုဖုန်းဆရာကလည်း အပွဲပွဲအနိုင်ယူခဲ့သမျှ အခု အလျော့မပေး။ ထို့အတူ အကနည်းပြဆရာမလေးကလည်း အလျော့မပေးနိုင်။ သည်လိုနဲ့ ၁ နာရီနဲ့ မိနစ် ၃၀ ခန့် ကြာလောက်ပြီ။ မည်သို့မှ တားမရသည့်အဆုံး၊ နယ်မြေပိုင်ရဲစခန်းကို အကူအညီ တောင်းလိုက်ရတော့သည်။ ဗဟိုမဏ္ဍပ်နှင့် ၂ ပြကျော်သာဝေးသော ယိုးဒယားဈေးဂတ်(ယခုအမှတ် ၈ ရဲစခန်း) သို့ စေတနာအလှပြယာဉ်ကို ခေါ်ဆောင်သွားသည်။ သည်အထိ အော်တိုဆိုက်ဆိုဖုန်းဆရာက အမှုတ်မပျက်။ မဏ္ဍပ်ပေါ်မှ အကနည်းပြ ဆရာမလေးလည်း အကမပျက်။ အသံတွေ ဝေး .. ဝေး၍ ပျောက်သွားမှ အက ရပ်တော့သည်။ ပညာရှင် ၂ ဦးပြိုင်ပွဲက ဘယ်သူ့ဘယ်သူမှ မနိုင်....။ သို့သော် နိုင်သူက နိုင်သွားပါ၏။ ပရိသတ် ဖြစ်ပါသည်။ ပရိသတ်က အုံနဲ့ကျင်းနဲ့ တောင်းဆိုမှုကြောင့် တာဝန်ရှိလူကြီးများ အစီအစဉ်ဖြင့် အော်တိုဆိုက်ဆိုဖုန်း ဆရာကို ဗဟိုမဏ္ဍပ်ပေါ်သို့ ပြန်လည်ခေါ်ယူကာ ပရိသတ်စိတ်ကြိုက် ကျေနပ်သည်အထိ အကနည်းပြ ဆရာမလေး၏ အကနဲ့ အတူ ဖျော်ဖြေစေခြင်းပဲ ဖြစ်ပါ၏။ သည်တခါ သူနိုင်ကိုယ်နိုင်ပြိုင်ပွဲမဟုတ်။ အနုပညာရှင် ၂ ဦးနဲ့ အပြန်အလှန် အပေးအယူနဲ့ အနုပညာကွန့်မြူးမှု ...။ ပရိသတ်ကြီးကလည်း ၄ ပြနီးပါးလောက်ထိ ကပ်ညပ်ခဲကာ သြဘာလက်ခုပ်မစဲ အားပေးကြဆဲ ...။ အော်တိုဆိုက်ဆိုဖုန်းဆရာက ကချင်မြေ သိန်းနိုင်လေး။ အကနည်းပြဆရာမလေးက ဒေါ်ခင်ဝင်းနွယ်။ (ဃ) ကျုံးနဘေး အာဇာနည်လမ်းပေါ်တွင် သက်တမ်းရင့်ကုက္ကိုပင်ကြီးများက အရွက်တို့ ဖွေ့ဖွေ့ကြွေပြီ။ မကြာမီ လမ်းလယ်ကျွန်းပေါ်က စီမံကိန်းတယ်ပင် လူပျိုပေါက်တို့လည်း သူ့ရွက်ဝါဟောင်းတွေ ခါချနေတော့၏။ တောင်လေအဝှေ့တွင် ကတ္တရာလမ်းပေါ်မှာ ရွက်ဝါတို့ ရှပ်တိုက်ပြေးနေသည်။ ကျုံးရေပြင်မှာ မြူငွေ့ပါးပါးထင်နေသည်။ ကပြသည့်ခွင်အတွက် ပေ ၆၀ ပတ်လည်နေရာအပြင် ဘေးတဖက်တချက်မှာ ပေ ၅၀  ပေ ၇၀ စီ ပွဲကြည့်ဆောင်များပါ ပူးတွဲပါဝင်သည့် ပေ ၁၆၀၊ ပေ ၇၀ ရှိ သင်္ကြန်မဏ္ဍပ်ကြီးအတွက် ၂၀၀၀ ခုနှစ်ကတည်းက သံမဏိဘောင်ကြီးများနဲ့ ခြင်းကြားထည်ကို ပုံစံသေ အခိုင်အခံ့ တည်ဆောက်ခြင်းဖြစ်၏။ ရန်ကုန်က ခေတ်ပေါ်တီးဝိုင်းကို ငွေကျပ်သိန်း ဘယ်နှရာနှင့် ငှားရမ်းမှာ၊ လတ်တလော နာမည်ကျော် အဆိုတော်မလေး ကို ငွေကျပ်သိန်း ၈၀ နဲ့အပြေးအလွှားရက်ချိတ်ငှားရမ်းရတာ၊ ဒါတောင် ထိုအဆိုတော်မလေးက သင်္ကြန် ၄ ရက်မှာ ၃ ရက်မှာ သီဆိုနိုင်မှာ၊ အခြား ရုပ်ရှင်မင်းသားမင်းသမီးများ၊ နာမည်ကျော်အဆိုတော်များ၊ မော်ဒယ်များကို ငွေကျပ်သိန်း ဘယ်နှဆယ်စီဖြင့် ငှားရမ်းပြီးတာ စသည့်စသည့် သတင်းများကို ကြားနေရတော့ ...။ ဆူးငှက်