နည်းပြအန်စလော့တီရဲ့ ဘရာဇီးလက်ရွေးစင်အသင်း လူစာရင်းမှာ နေမာနဲ့ ဗင်နီဆီးယက်စ် တို့ကို ချန်လှပ်ခဲ့ပါတယ်။
ဘရာဇီးအသင်းဟာ လာမယ့် စက်တင်ဘာ နိုင်ငံတကာရက်သတ္တပတ်အတွင်းမှာ ချီလီ၊ ဘိုလီးဗီးယားအသင်းတွေနဲ့ ကမ္ဘာ့ဖလားခြေစစ်ပွဲ ကစားသွားရမှာပါ။
နေမာက ဒဏ်ရာပြဿနာ ရှိခဲ့တာကြောင့် ကြံ့ခိုင်မှုအပိုင်းမှာ တိုးတက်ကောင်းမွန်လာဖို့ လိုအပ်တာကြောင့် ချန်လှပ်ခဲ့တာလို့ အန်စလော့တီက ပြောပါတယ်။
ဘရာဇီးအသင်းဟာ တောင်အမေရိကဇုန် ကမ္ဘာ့ဖလားခြေစစ်ပွဲ လက်ကျန် ၂ ပွဲအလိုမှာ ခြေစစ်ပွဲ အောင်မြင်ပြီးသားအသင်းဖြစ်ပြီး ကစားသမားသစ်တွေကို စမ်းသပ်ချင်တာကြောင့် ရီးရဲလ်တိုက်စစ်မှူး ဗင်နီဆီးယက်စ်ကိုလည်း ချန်လှပ်ခဲ့တာပါ။
ရီးရဲလ်ကစားသမားတွေဖြစ်တဲ့ ရိုဒရီဂိုနဲ့ အန်ဒရစ်တို့လည်း လူစာရင်းမှာ ပါဝင်လာခြင်းမရှိပေမဲ့ ကတ်စမီရို၊ မာတင်နယ်လီ၊ ဂျာအိုပတ်ဒရို၊ ကူညာ၊ ရစ်ချာလီဆန် အစရှိတဲ့ ကစားသမားတွေ အပါအဝင် စုစုပေါင်း ၂၃ ယောက်ကို ရွေးချယ်ခဲ့တာ ဖြစ်ပါတယ်။
