OpenAI ဟာ GPT-5 AI မော်ဒယ်ကို ဩဂုတ် ၇ ရက်မှာ စတင်မိတ်ဆက်ခဲ့ပါတယ်။ ဒီမော်ဒယ်ဟာ အဆင့်မြင့်နည်းပညာတွေ ပါဝင်ပြီး ကမ္ဘာလုံးဆိုင်ရာ စီးပွားရေးနဲ့ ယဉ်ကျေးမှုတွေကို ပြောင်းလဲနိုင်ဖို့ အကူအညီပေးနိုင်မှာ ဖြစ်ပါတယ်။

OpenAI ရဲ့ GPT မော်ဒယ်ဟာ ChatGPT ရဲ့ လူကြိုက်များတဲ့ AI နည်းပညာ ဖြစ်ပါတယ်။ အသစ်မိတ်ဆက်ပေးတဲ့ GPT 5 ကို ChatGPT အသုံးပြုသူ သန်း ၇၀၀ လုံး သုံးစွဲနိုင်မှာ ဖြစ်တယ်လို့ OpenAI က ပြောထားပါတယ်။

OpenAI က GPT5 ဟာ လုပ်ငန်းအဆင့် စွမ်းဆောင်ရည်တွေ ရှိတယ်လို့ ဆိုပါတယ်။ အဲဒီအထဲမှာ Software development ပြုလုပ်ထားမှုတွေ ထပ်ပေါင်းထားပြီး GPT5 excels လုပ်ဆောင်မှုတွေ၊ ကျန်းမာရေးနဲ့ပတ်သက်တဲ့ မေးမြန်းမှုတွေနဲ့ ဘဏ္ဍာရေးဆိုင်ရာ အချက်အလက်တွေလည်း ပါဝင်ပါတယ်။

Software Developer တွေအတွက် ပုံကြမ်းရေးဆွဲတဲ့အဆင့်ကနေ ကွန်ပျူတာ ပရိုဂရမ်တွေ အားလုံးကို ရေးသားနိုင်တဲ့အထိ စွမ်းဆောင်ရည်တွေ ပါဝင်ပါတယ်။

GPT 4 ဟာ ကောလိပ်ကျောင်းသားအဆင့် အတွေးအခေါ်တွေ အရည်အသွေးတွေရှိပြီး GPT 5 ကတော့ ဒေါက်တာအဆင့်ဖြစ်တဲ့ PhD အဆင့်အထိ တိုးတက်လာပြီလို့ ဆိုထားပါတယ်။

OpenAI စီအီးအို ဆမ်အော့မန်းက  “PhD အဆင့် ကျွမ်းကျင်သူတွေ ပါဝင်တဲ့ အဖွဲ့အစည်းတခုကို ခင်ဗျားရဲ့အိတ်ထဲမှာ ထည့်ထားသလိုပါပဲ။ ခင်ဗျား ဘာပဲလုပ်လုပ် အကူအညီပေးနေမှာပါ” လို့ မီဒီယာတွေနဲ့ တွေ့ဆုံချိန်မှာ ပြောခဲ့ပါတယ်။

ChatGPT ဟာ ပြီးခဲ့တဲ့ ၃ နှစ်က ကမ္ဘာကြီးကို AI နဲ့ မိတ်ဆက်ပေးခဲ့တာဖြစ်ပြီး လူတွေရေးသားတဲ့ စကားပြေတွေ၊ ကဗျာတွေ ရေးသားနိုင်တယ်ဆိုတာ ပြသခဲ့ပါတယ်။ အဲဒီနောက်မှာတော့ ChatGPT ဟာ တိုးတက်မှုအမြန်ဆုံး app တခု ဖြစ်လာခဲ့ပါတယ်။

Source: Reuters