၈၁ နှစ်မြောက် D-Day အတွက် တက္ကဆက်ပြည်နယ်၊ ဟူစတန်မြို့မှာ ဇွန် ၆ ရက်က ဆန္ဒပြသူတွေနဲ့ အမေရိကန် စစ်မှုထမ်းဟောင်း ဒါဇင်ပေါင်းများစွာ စုဝေးခဲ့ကြပြီး အမေရိကန် သမ္မတဒေါ်နယ်ထရမ့်ပ် လက်ထက်မှာ စစ်မှုထမ်းဟောင်းတွေကို ရပိုင်ခွင့် ဖြတ်တောက်တဲ့အပေါ် ဆန့်ကျင် ဆန္ဒပြနေပါတယ်။ 

D-Day ဆိုတာဟာ ဒုတိယကမ္ဘာစစ်အတွင်း အရေးပါတဲ့ နော်မန်ဒီကမ်းတက် စစ်ဆင်ရေး စတဲ့နေ့ကို ရည်ညွှန်းတာပါ။

၂၀၂၅ ခုနှစ် ဖေဖော်ဝါရီလမှာ စစ်မှုထမ်းဟောင်းရေးရာဌာနက ဝန်ထမ်းအယောက် တထောင်ကျော်ကို ထရမ့်ပ်က အလုပ်ထုတ်လို့ ဆန္ဒပြဖို့ မြို့ပေါင်းစုံက ကြိုးပမ်းခဲ့ပါတယ်။

ဟူစတန်မြို့က အသက် ၆၇ နှစ်အရွယ် အမေရိကန်စစ်တပ်က စစ်မှုထမ်းဟောင်းနဲ့ လိင်ပြောင်းအမျိုးသမီး ကယ်လီနယ်လ်ဆင်က ထရမ့်ပ်ဟာ သူ့ကိုယ်ပိုင်အကျိုးအတွက် စစ်မှုထမ်းဟောင်းတွေကို ညှဉ်းပန်းနှိပ်စက်တယ်လို့ ပြောပါတယ်။ 

သူဟာ စစ်တပ်ကို နိုင်ငံရေးဒေါက်တိုင်တစ်ခုလို ဆက်ဆံတယ်၊ အဲဒါထက် ဘာမှ မပိုပါဘူးလို့ နယ်လ်ဆင်က ပြောပါတယ်။ ထရမ့်ပ်ဟာ ကြောင်သူတော်၊ သူ့အတွက် သင့်တော်ရင် ကြိုးစားပြီး စစ်မှန်တဲ့ စစ်ပြန်တွေနဲ့ သူတို့ရဲ့ လိုအပ်ချက်တွေ ဂုဏ်သိက္ခာတွေအပေါ် မတွန့်မဆုတ် မိုက်ရိုင်းမယ့်သူလို့ နယ်လ်ဆင်က ဆက်ပြောပါတယ်။

ဟူစတန်မြို့က အသက် ၅၅ နှစ်အရွယ် အမေရိကန် ရေတပ်စစ်ပြန်နှင့် နည်းပညာအကြံပေး ပက်ထရစ် လိုဂံက ထရမ့်ပ်နဲ့ အစိုးရအကြံပေးဟောင်း အီလွန်မက်စ်ခ်တို့ရဲ့ ကုန်ကျစရိတ် လျှော့ချမှုဟာ ဝါရင့်စီးပွားရေးလုပ်ငန်းတွေကို ထိခိုက်ခဲ့တယ်လို့ ပြောပါတယ်။

“DOGE အက်ဥပဒေ လုပ်ဆောင်ချက်တွေကြောင့် သူတို့ တကယ်လုပ်နေတဲ့ ဝန်ဆောင်မှုတွေအတွက် သူတို့ရဲ့ စားဝတ်နေရေး တစ်ခုလုံးကို ဖျက်ဆီးပစ်လိုက်တာကို ကျွန်တော် သိပါတယ်” လို့ လိုဂံက  ပြောပါတယ်။

ဒါကြောင့် ပြီးခဲ့တဲ့လတွေအတွင်းမှာ သူတို့ဟာ ကျနော် သိတဲ့ ဝါရင့်စီးပွားရေးလုပ်ငန်းတွေကို တိုက်ရိုက်တိုက်ခိုက်ခဲ့တယ်လို့လည်း သူက ပြောခဲ့ပါတယ်။

Source: Reuters