အာဂျင်တီးနားနိုင်ငံက အငြိမ်းစားဝန်ထမ်းတွေဟာ ဧပြီ ၁၆ ရက်က ဗျူနိုအေးရိစ်မြို့မှာ အပတ်စဉ် ဆန္ဒပြနေတုန်း လုံခြုံရေးတပ်ဖွဲ့တွေနဲ့ ထိပ်တိုက်တွေ့ခဲ့ပြီး ရဲတပ်ဖွဲ့က ငရုတ်ကောင်းဖျန်းဆေးကို သုံးပြီး လူစုခွဲခဲ့ပါတယ်။

အောက်လွှတ်တော်အနားမှာ ဆန္ဒပြသူတွေဟာ ယာဉ်ကြောပိတ်ဆို့ဖို့ ကြိုးပမ်းလို့ အဓိကရုဏ်း နှိမ်နင်းရေး ရဲတွေနဲ့ အခြေအနေ တင်းမာခဲ့ပါတယ်။

ဓာတ်ငွေ့ကြောင့် ထိခိုက်ခံစားရသူတွေထဲမှာ သက်ကြီးရွယ်အို အမျိုးသမီးတယောက် ပါဝင်ပြီး ဆေးဘက်ဆိုင်ရာ အကူအညီတွေ လိုအပ်ခဲ့ပါတယ်။

မတ်လကတည်းက အကြမ်းဖက်မှုတွေ တိုးလာတာကြောင့် ဆန္ဒပြပွဲတွေဟာ အငြိမ်းစားယူခွင့်နဲ့ အစိုးရရဲ့ တုံ့ပြန်မှုတွေနဲ့ ပတ်သက်ပြီး မငြိမ်မသက်ဖြစ်နေတာကို မီးမောင်းထိုးပြနေပါတယ်။

အငြိမ်းစားဝန်ထမ်းတွေဟာ သမ္မတ ယာဗီးယား မီလေရဲ့ ခြိုးခြံချွေတာမှု အစီအမံတွေကြောင့် အသက်မွေးဝမ်းကျောင်းလုပ်ငန်းတွေ သိသိသာသာ ထိခိုက်ခဲ့တာပါ။

ဆေးဝါးနဲ့ ကျန်းမာရေး ဝန်ဆောင်မှုတွေ သုံးစွဲခွင့်တွေ အကန့်အသတ်တွေ ဖြစ်ခဲ့ပြီး ဝယ်ယူမှု စွမ်းအား ဆုံးရှုံးသွားလို့ ဆန့်ကျင်ကန့်ကွက်ကြတာလည်း ဖြစ်ပါတယ်။

Source : Reuters