မန်ချက်စတာဒါဘီမှာ ပိုင်ရှင်ဂလေဇာမိသားစုကို ထပ်မံဆန္ဒပြဖို့ မန်ယူပရိသတ်အဖွဲ့ စီစဉ်
DVB
·
April 1, 2025
မန်ယူပရိသတ်အဖွဲ့ဟာ လာမယ့် ဧပြီ ၆ ရက်မှာကစားမယ့် မန်စီးတီးနဲ့ မန်ချက်စတာဒါဘီမှာ အသင်းပိုင်ရှင် ဂလေဇာမိသားစုကို ထပ်မံဆန္ဒပြသွားဖို့ စီစဉ်နေပါတယ်။
The 1958 ဆိုတဲ့ မန်ယူ အသင်းပရိသတ်အဖွဲ့ဟာ ပြီးခဲ့တဲ့လပိုင်းက ကစားခဲ့တဲ့ အာဆင်နယ်နဲ့ပွဲစဉ်မှာလည်း ပိုင်ရှင် ဂလေဇာမိသားစုကို ဆန္ဒပြခဲ့ပြီး ခုတခေါက် ဆန္ဒပြမှုဟာ ကြီးမားတဲ့သက်ရောက်မူတခု ဖြစ်လာ မယ်လို့ယုံကြည်ကြောင်း 1958 က ပရိသတ်တယောက်က ပြောပါတယ်။
မန်ယူအသင်းကို အရင်ကလို ဆုဖလားတွေရယူနိုင်တဲ့အသင်းအဖြစ်ပြန်မြင်ချင်ပြီး အသင်းရဲ့ရှယ်ယာအများဆုံးပိုင်ဆိုင်ထားတဲ့ ပူးတွဲပိုင်ရှင် ဂလေဇာမိသားစုကို အသင်းကနေ နုတ်ထွက်ဖို့ 1958 အဖွဲ့က ဆန္ဒရှိနေကြ တာဖြစ်ပါတယ်။
