Home
မြန်မာသတင်း
စစ်ကောင်စီအင်တာနက်ဖြတ်တောက်ထားမှု ပယ်ဖျက်ပေးရန် အဖွဲ့ပေါင်း ၈၀ ကျော်တောင်းဆို
DVB
·
March 31, 2025
internet

မြန်မာနိုင်ငံတဝန်း ငလျင်လှုပ်ပြီးနောက်ပိုင်း အရေးပေါ်အကူအညီတွေလိုအပ်နေချိန်မှာ စစ်ကောင်စီက ဆက်သွယ်ရေးလိုင်းတွေဖြတ်တောက်ထားတဲ့အပေါ် မြန်မာနိုင်ငံ ဒစ်ဂျစ်တယ် အခွင့်အရေးလှုပ်ရှားတဲ့ အဖွဲ့ ၈၀ ကျော်စုပြီးတော့ အပြင်းထန်ဆုံး ရှုတ်ချလိုက်ပါတယ်။

ဒါ့အပြင် အင်တာနက် ၊  ဆက်သွယ်ရေးလိုင်းတွေနဲ့ အများပြည်သူ သတင်းအချက်အလက် ရပိုင်ခွင့် ကန့်သတ်ထားတာကို ရုပ်သိမ်းဖယ်ရှားဖို့နဲ့ ဆက်သွယ်ရေးလိုင်းတွေ ပြည့်ပြည့်ဝဝပြန်ရရှိဖို့  မတ် ၃၁ ရက်နေ့မှာ ထုတ်ပြန်တောင်းဆိုလိုက်ပါတယ်။

ဒါ့ကြောင့် လက်ရှိအချိန်မှာ အပျက်အစီးတွေကြား ပိတ်မိနေတဲ့ အသက်ရှင်ကျန်ရစ်သူတွေကို ကယ်ဆယ်နိုင်ဖို့နဲ့ ငလျင်ဒဏ်ခံစားနေရတဲ့‌ဒေသတွေက ပြည်သူတွေကို အရေးပေါ်အကူအညီတွေပေးနိုင်ဖို့ အမြန်ဆုံးလိုအပ်နေတာလည်း ဖြစ်ပါတယ်။

မြန်မာနိုင်ငံတဝန်းမှာ စစ်ကောင်စီက အင်တာနက်ဖြတ်တောက်ထားတာကို ခံနေရတဲ့ မြို့နယ်ပေါင်း ၁၀၀ လောက်ရှိပြီး အဲဒီစာရင်းမှာ လက်ရှိ ငလျင်ဒဏ်ကို ခံစားနေရတဲ့ မြို့နယ်တွေ ပါဝင်ပါတယ်။

စစ်ကောင်စီက ဒေသခံပြည်သူ သတင်းအချက်အလက်ရရှိနိုင်တဲ့ လူမှုကွန်ရက်စာမျက်နှာတွေ၊ သတင်းမီဒီယာတွေနဲ့ ဝက်ဘ်ဆိုဒ်တွေအပါအဝင် အင်တာနက်ဝက်ဘ်ဆိုဒ်တွေကို ပိတ်ပင်တဲ့  “Firewall” တပ်ဆင်ထားတွေ ဖယ်ရှားတာမရှိသေးတာကို တွေ့ရတယ်လို့ ဆိုပါတယ်။

ဒါ့အပြင် လျှပ်စစ်မီးပြတ်တောက်မှုနဲ့ ငလျင်ဒဏ်ကြောင့် ဆက်သွယ်ရေးကွန်ရက်အခြေခံ အဆောက်အအုံ ထိခိုက်မှုတွေကြောင့် အင်တာနက်ဆက်သွယ်ရေးအခခြအနေပိုပြီး ဆိုးဝါးစွာ ပြတ်တောက်မှုတွေကို မြန်မာနိုင်ငံတဝန်းပြည်သူတွေ ကြုံတွေ့ခံစားနေကြရပါတယ်။

အခုလို အင်တာနက်ပိတ်ဆို့ ကန့်သတ်ထားတာကြောင့် သတင်းအချက်အလက်တွေ စီးဆင်းမှု အဟန့်အတားဖြစ်စေရုံသာမက ဒေသခံပြည်သူ အသက်ဆုံးရှုံးမှုတွေနဲ့ နစ်နာမှုတွေအတွက် စစ်ကောင်စီက တာဝန်ခံဖို့ တောင်းဆိုပါတယ်လို့ ထုတ်ပြန်ချက်မှာ ပါရှိပါတယ်။

ကေခိုင်

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024