အမေရိကန်နဲ့ ကနေဒါရဲ့ အတိတ်က ဆက်ဆံရေးတွေအားလုံး အဆုံးသတ်ပြီဖြစ်ကြောင်း ကနေဒါဝန်ကြီးချုပ် မာ့ခ်ကာနေးက ပြောပါတယ်။
မာ့ခ်ကာနေးက အမေရိကန်နဲ့ စီးပွားရေး၊ လုံခြုံရေးနဲ့ စစ်ရေးတို့ နက်ရှိုင်းစွာ ပူးပေါင်းဆောင်ရွက်မှုတွေ အဆုံးသတ်ပြီလို့ ပြောလိုက်တာဖြစ်ပါတယ်။
ကနေဒါဝန်ကြီးအစည်းအဝေးပြီးတဲ့နောက် မာ့ခ်ကာနေးက သတင်းထောက်တွေကို ပြောဆိုခဲ့တာဖြစ်ပြီး ကနေဒါတွေဟာ ကိုယ်ပိုင်စီးပွားရေး အခြေခံတွေကို ပြန်ပြီး အာရုံစိုက်နေပါပြီလို့လည်းပြောပါတယ်။
ကနေဒါနိုင်ငံဟာ အမေရိကန်ရဲ့ ပြည်ပသွင်းကုန်ခွန် တိုးမြှင့်မှုအတွက် အကျိုးသက်ရောက်မှု အများဆုံးကို လိုက်ပြီး တုံ့ပြန်မှုတွေ ပြုလုပ်မှာဖြစ်ပါတယ်။
အမေရိကန်သမ္မတ ဒေါ်နယ်ထရမ့်ပ်က ပြည်ပကနေ တင်သွင်းတဲ့ ကားနဲ့ ကားပစ္စည်းတွေကို အခွန် ၂၅ ရာခိုင်နှုန်း တိုးမြှင့်မယ်လို့ ဗုဒ္ဓဟူးနေ့မှာ ကြေညာထားပါတယ်။
ကနေဒါနဲ့ အမေရိကန်တို့ဟာ ၁၉၆၅ ခုနှစ်မှာ ကားထုတ်လုပ်မှုနဲ့ပတ်သက်ပြီး စာချုပ် ချုပ်ဆိုထားခဲ့ဖူးပြီး အဲဒါတွေက အဆုံးသတ်ပြီလို့ ကာနေးက ပြောပါတယ်။
အမေရိကန်က ကနေဒါရဲ့ ကားတင်သွင်းမှုအပေါ် အခွန်တိုးကောက်မှုဟာ ဧပြီ ၂ ရက်မှာ စတင် အသက်ဝင်မှာဖြစ်ပြီး ကားအစိတ်အပိုင်းတွေကို အခွန်တိုးကောက်မှုကို မေလနဲ့ နောက်ပိုင်းမှာ ကောက်ခံမှာ ဖြစ်ပါတယ်။
ကြာသပတေးနေ့ အစောပိုင်းက ထရမ့်ပ်က ကနေဒါနဲ့ အီးယူက အမေရိကန် ဆန့်ကျင်မှုတွေ ပြုလုပ်ပါက ပိုဆိုးမယ်ဆိုပြီးလည်း သတိပေးထားပါတယ်။
“အီးယူဟာ ကနေဒါနဲ့ပေါင်းပြီး အမေရိကန်ကို ဒုက္ခပေးမယ်ဆိုရင် ကုန်စည်ခွန်ကို ပိုပြီး တင်းကျပ်မှာပါ။ ပိုပြီးတင်းကျပ်မယ့် အစီအစဉ်တွေ ရှိတာကြောင့် အီးယူနဲ့ ကနေဒါတို့ကို ပြုလုပ်မယ်” လို့ ထရမ့်ပ်က သူပိုင်တဲ့ ဆိုရှယ်မီဒီယာ Truth မှာ ဖော်ပြပါတယ်။
Source : Reuters
