ဟယ်ရီကိန်းဂိုးပေါက်ပျောက်နေသည့်အပေါ် မစိုးရိမ်ဟု ဘိုင်ယန်အားကစားဒါရိုက်တာပြော
DVB
·
January 25, 2025
တိုက်စစ်မှူးဟယ်ရီကိန်း ဂိုးပေါက်ပျောက်ဆုံးနေတဲ့အပေါ် စိုးရိမ်စရာမရှိကြောင်း ဘိုင်ယန်မြူးနစ် အားကစားဒါရိုက်တာ မက်အီဘာက ပြောသွားပါတယ်။
အင်္ဂလန်တိုက်စစ်မှူးဟာ ပြီးခဲ့တဲ့ ၂၀၂၄ ခုနှစ် နိုဝင်ဘာ ၂၃ ရက်က အော့ဘက်စ်နဲ့ပွဲမှာ ဟတ်ထရစ် ၃ ဂိုးသွင်းယူခဲ့ပြီး နောက်ပိုင်း ပင်နယ်တီသွင်းဂိုး ၂ ဂိုးသာရရှိခဲ့ပြီး ကစားကွက်ကနေ သွင်းဂိုးမရရှိသေးတာပါ။
ဟယ်ရီကိန်းက အတွေ့အကြုံရှိ ကစားသမားဖြစ်လို့ သွင်းဂိုးနည်းပါးလာတဲ့အပေါ် စိုးရိမ်စရာမရှိကြောင်း၊ ဒဏ်ရာပြဿနာတချို့လည်းရှိခဲ့လို့သာဖြစ်ပြီး ကိန်းရဲ့သွင်းဂိုးတွေကို ဘိုင်ယန်အသင်းက လိုအပ်ကြောင်း ဒါရိုက်တာ မက်အီဘာက ပြောပါတယ်။
ဟယ်ရီကိန်းဟာ နောက်ဆုံး ၈ ပွဲမှာ ပင်နယ်တီသွင်းဂိုး ၂ ဂိုးသာရရှိခဲ့ပေမဲ့ ဘွန်ဒက်စ်လီဂါ ၁၆ ပွဲအပြီးမှာ ၁၆ ဂိုးသွင်း ၆ ကြိမ်ဂိုးဖန်တီးထားပါတယ်။
Photo: Reuters
