ပရီးမီးယားလိဂ် ထိပ်တန်းကလပ်တွေဟာ တန်းတက်အစ်ဆွစ်တိုက်စစ်မှူး လီယန်ဒီလက်ပ်ကို ခေါ်ယူဖို့ အပြိုင် ပစ်မှတ်ထားနေကြပါတယ်။
အင်္ဂလန်ယူ-၂၁ တိုက်စစ်မှူးဟာ အခုနှစ်ပရီးမီးယားလိဂ်ပွဲစဉ် ၁၂ ပွဲ ကစားအပြီးမှာ ၆ ဂိုး သွင်းယူထားပြီး တန်းတက်အသင်းက တိုက်စစ်မှူးတယောက်အနေနဲ့ စွမ်းဆောင်ရည်ကောင်း ရရှိနေတာပါ။
မန်စီးတီးအကယ်ဒမီထွက်ကစားသမား ဒီလက်ပ်ဟာ မနှစ်ကမှ ပေါင် သန်း ၂၀ ၀န်းကျင်နဲ့ အစ်ဆွစ်ဆီ ပြောင်းရွှေ့ခဲ့တာပါ။
The Athletic သတင်းစာရဲ့အဆိုအရ ဒီလက်ပ်ကို ခေါ်ယူဖို့ ပရီးမီးယားလိဂ် ထိပ်တန်းအသင်းကြီးတွေ အားလုံး ပစ်မှတ်ထားသင့်ပြီး လာမယ့်နှစ် ဘောလုံးရာသီမှာ အပြိုင်အဆိုင် ခေါ်ယူဖို့ ကြိုးပမ်းကြမှာဖြစ်ကြောင်း ဖော်ပြပါတယ်။
ချဲလ်ဆီးနဲ့ မန်ယူအသင်းတွေက ဒီလက်ပ်ကို ခေါ်ယူဖို့ စိတ်ဝင်စားမှုပြသနေပြီး မန်စီးတီးဘက်ကတော့ သူတို့ရဲ့ထုံးစံအတိုင်း ပြန်လည်ခေါ်ယူခွင့်စာချုပ် ထည့်သွင်း ချုပ်ဆိုထားလိမ့်မယ်လို့ သုံးသပ်ကြပါတယ်။
