လာမယ့် ၂၀၂၅ ခုနှစ် ဇန်နဝါရီ ၂၄ ရက်မှာ ကျင်းပမယ့် One 170 ပွဲမှာ စိုးလင်းဦးက နာမည်ကြီး မွေထိုင်းဂန္ထဝင် ဆက်ခ်ဆန်းနဲ့ ယှဉ်ပြိုင်ထိုးသတ်သွားမှာ ဖြစ်ပါတယ်။ အဲဒီတွဲဆိုင်းကို အောက်တိုဘာ ၂၃ ရက်က တရားဝင် ထုတ်ပြန်ကြေညာခဲ့တာပါ။
အသက် ၃၂ နှစ်ရှိ စိုးလင်းဦးဟာ One Championship ရဲ့ မွေထိုင်းပြိုင်ပွဲမှာ ၃ ပွဲဆက်တိုက် အလဲထိုးနဲ့ အနိုင်ရခဲ့ပြီးနောက် အမေရိကန်ဒေါ်လာတသိန်းတန်စာချုပ် ချုပ်ဆိုခွင့်ရခဲ့သူပါ။
စိုးလင်းဦးဟာ နောက်ဆုံးထိုးသတ်ခဲ့တဲ့ စက်တင်ဘာ ၂၇ ရက် ပွဲစဉ်မှာ နာဘီလ်ကို အမှတ်နဲ့ ရှုံးနိမ့်ခဲ့ပေမဲ့ ပရိသတ်တွေရဲ့ လက်ခုပ်သံ ရရှိခဲ့သူပါ။
စိုးလင်းဦးနဲ့ထိုးသတ်မယ့် ဆက်ခ်ဆန်းဟာ အသက် ၃၅ နှစ်ရှိပြီဖြစ်ပြီး မွေထိုင်းပွဲပေါင်း ၂၅၀ ကျော် ထိုးသတ်ခဲ့တဲ့ ဂန္ထဝင်ကစားသမားကြီးတယောက်ဖြစ်ပြီး One Championship မှာ ၈ ပွဲဆက်တိုက် အနိုင်ရရှိခဲ့ဖူးပါတယ်။
၉ ပွဲမြောက်မှာ ဂျပန်ဖိုက်တာ အဆာဟိကို ရှုံးနိမ့်ခဲ့ပေမဲ့ စက်တင်ဘာ ၆ ရက်က ဟာရစ်ဆန်နဲ့ပွဲမှာ အထဲထိုးနိုင်ပွဲ ပြန်လည်ရရှိခဲ့ပါတယ်။
သူဟာ ၂၀၁၅ ခုနှစ်က ထိုင်းနိုင်ငံရဲ့ အကောင်းဆုံး မွေထိုင်းကစားသမားဆု ရရှိခဲ့ပြီး မွေထိုင်း ကမ္ဘာ့ချန်ပီယံဆုတွေလည်း ရရှိခဲ့ဖူးပါတယ်။
