ဗြိတိန်နိုင်ငံရဲ့ ရုပ်အဆိုးဆုံးခွေး ချန်ပီယံလည်းဖြစ်၊ Deadpool & Wolverine ဇာတ်ကားမှာလည်း ပါဝင်သရုပ်ဆောင်ထားတဲ့  ခွေးကလေး ပက်ဂီဟာ ခွေးအော်စကာလို့ တင်စားကြတဲ့ FIDO ဆု ဆန်ကာတင်စာရင်းမှာ ပါဝင်လာခဲ့ပါတယ်။

ပက်ဂ်ခွေးမျိုးနဲ့ တရုတ်မွေးကျွတ်ခွေးမျိုး စပ်ထားတဲ့ ၅ နှစ်အရွယ် ခွေးမလေး ပက်ဂီဟာ ရိုင်ယန်ရေးနိုးလ်၊ ဟုဂျ် ဂျက်မန်းတို့နဲ့အတူ သရုပ်ဆောင်ပြီး ‘Dogpool’ လို့ပါ အသိအမှတ်ပြုခံရသူ ဖြစ်ပါတယ်။ ဒါပေမဲ့ ရုပ်ရှင်စတားဖြစ်လာပြီး ဆန်ခါတင်စာရင်းဝင်ရုံနဲ့ ပက်ဂီဟာ ပြောင်းလဲသွားမှာမဟုတ်ဘူးလို့  သူ့ပိုင်ရှင်ဖြစ်သူက ပြောပါတယ်။ 

ရုပ်ရှင်ပိတ်ကားပေါ်က အံ့ဘန်းခွေးများအတွက် (For Incredible Dogs On Screen) လို့ အမည်ရတဲ့ FIDO ဆုအတွက် ဆန်ခါတင်စာရင်းကို အောက်တိုဘာ ၂၀ ရက်က ကြေညာခဲ့တာ ဖြစ်ပါတယ်။

ဆန်ကာတင်စာရင်းမှာ ပက်ဂီနဲ့အတူ ထိတ်လန့်သည်းဖို ဟာသဇာတ်ကား Nightbitch ထဲက အနီရောင် ဟက်စကီးခွေးကလေးနဲ့ တခြားခွေးတွေလည်း ပါဝင်ပါတယ်။ ဆုပေးပွဲကိုတော့ လာမယ့်နှစ် ဖေဖော်ဝါရီ ၂၃ မှာမှ လန်ဒန်မှာ ကျင်းပမှာ ဖြစ်ပါတယ်။

Source-Reuters