တာလီဘန်တွေဟာ ကုလသမဂ္ဂက ခန့်အပ်ထားတဲ့ အထူးကိုယ်စားလှယ် ရစ်ချတ်ဘန်နက်ကို အာဖဂန်နစ္စတန်ကို ဝင်ရောက်ခွင့်မပြုဘဲ တားမြစ်ထားကြောင်း အုပ်ချုပ်ရေးအဖွဲ့ရဲ့ ပြောရေးဆိုခွင့်ရှိသူက တိုလို ဒေသတွင်း ရုပ်သံလွှင့်ဌာနကို ပြောကြားခဲ့ပြီး လူ့အခွင့်အရေး စောင့်ကြည့်ရေးအဖွဲ့ကို ဝါဒဖြန့်တယ်လို့လည်း စွပ်စွဲခဲ့ပါတယ်။
ပြီးခဲ့တဲ့နှစ်က တာလီဘန်တွေ အာဏာရယူခဲ့ပြီးနောက် အာဖဂန်နစ္စတန်ရဲ့ လူ့အခွင့်အရေး အခြေအနေ စောင့်ကြည့်ဖို့အတွက် ၂၀၂၂ ခုနှစ်မှာ ကုလသမဂ္ဂ လူ့အခွင့်အရေးကောင်စီက ဘန်နက်ကို ခန့်အပ်ခဲ့တာပါ။
ဘန်နက်ဟာ တာလီဘန်တွေရဲ့ အမျိုးသမီးတွေနဲ့ မိန်းကလေးငယ်တွေအပေါ် ပြုမူဆက်ဆံပုံဟာ လူသားမျိုးနွယ်အပေါ် ကျူးလွန်တဲ့ ရာဇဝတ်မှု ဖြစ်နိုင်ကြောင်း အရင်က ပြောဆိုခဲ့ဖူးပါတယ်။
သူဟာ အာဖဂန်နစ္စတန် ပြင်ပမှာ အခြေစိုက်နေပေမဲ့ အခြေအနေကို လေ့လာသုံးသပ်ဖို့ အကြိမ်ကြိမ် သွားရောက်ခဲ့ပါတယ်။
ကုလသမဂ္ဂ လူ့အခွင့်အရေးကောင်စီက မှတ်ချက်ပေးဖို့ တောင်းဆိုချက်ကို ချက်ချင်းတုံ့ပြန်ခြင်း မရှိပါဘူး။ ဘန်နက်ကိုလည်း မှတ်ချက်ပေးဖို့ ချက်ချင်း ဆက်သွယ်လို့ မရသေးပါဘူး။
Source-Reuters
