အာဆင်နယ် ချန်ပီယံဖြစ်ရန် မန်စီးတီးကို အတုယူရန် မလိုဟု ဇင်ချန်ကို ပြော
DVB
·
July 25, 2024
အာဆင်နယ်အသင်း ချန်ပီယံဖြစ်ဖို့ မန်စီးတီးအသင်းကို အတုယူဖို့ မလိုအပ်ဘူးလို့ နောက်ခံလူ ဇင်ချန်ကိုက ပြောပါတယ်။
ယူကရိန်းကစားသမားဟာ မန်စီးတီးမှာ ၅ နှစ်ကြာ ကစားခဲ့ပြီး ၂၀၂၂ ခုနှစ်က အာဆင်နယ်ဆီ ပြောင်းရွှေ့လာခဲ့သူပါ။
မန်စီးတီးအသင်းဟာ လက်ရှိ ကမ္ဘာ့အကောင်းဆုံးအသင်း တသင်းဖြစ်နိုင်ပေမဲ့ သူတို့ ပုံစံကို လိုက်ပြီး အတုယူစရာ မလိုအပ်ဘဲ ကိုယ့်နည်းကိုယ့်ဟန်နဲ့ အကောင်းဆုံး ခြေစွမ်းရရှိနေဖို့ လိုတယ်လို့ ဇင်ချန်ကိုက ပြောပါတယ်။
အာဆင်နယ်ဟာ ပြီးခဲ့တဲ့နှစ်ရာသီဆက်တိုက် မန်စီးတီးကို ဖိအားပေးနိုင်ခဲ့ပေမဲ့ နောက်ဆုံးမှာတော့ ဒုတိယနေရာနဲ့ပဲ ကျေနပ်ခဲ့ရတာပါ။
အာဆင်နယ်ဟာ မှန်ကန်တဲ့လမ်းကြောင်းပေါ် ရောက်ရှိနေပြီး မကြာတော့တဲ့ အနာဂတ်မှာ ဆုဖလားတွေ ရယူနိုင်မယ်လို့ ယုံကြည်တယ်လို့ ဇင်ချန်ကိုက ပြောပါတယ်။
Photo-Reuters
