ဘာစီလိုနာအသင်းမှာ မက်ဆီဝတ်ဆင်ခဲ့တဲ့ ကျောနံပါတ် ၁၉ ကို စပိန်ကြယ်ပွင့် လာမိန်းယာမဲလ်က ပြောင်းလဲဝတ်ဆင်သွားမှာဖြစ်ပါတယ်။
ယာမဲလ်ဟာ အခုနှစ်ယူရိုပြိုင်ပွဲမှာ စပိန်အသင်းချန်ပီယံဖြစ် ခဲ့ရာမှာ အဓိကနေရာကနေ ခြေစွမ်းပြခဲ့ပြီး လူငယ်အကောင်းဆုံးကစားသမားဆုလဲရရှိခဲ့သူပါ။
ယာမဲလ်ဟာ ဘာစီလိုနာအသင်းမှာ ကျောနံပါတ် ၂၇ ၀တ်ဆင်ကစားခဲ့ပြီး လာမယ့်ရာသီမှာတော့ တချိန်က မက်ဆီဝတ်ဆင်ခဲ့တဲ့ ကျောနံပါတ် ၁၉ ဂျာစီကို ပြောင်းလဲဝတ်ဆင်သွားမှာပါ။
မက်ဆီဟာ အသင်းကြီးဆီစတင်ရောက်ရှိချိန်မှာ ကျောနံပါတ် ၃၀ ဝတ်ဆင်ခဲ့ပြီး ရော်နယ်ဒင်ညို မထွက်ခွါချိန်အထိ ကျောနံပါတ် ၁၉ ဝတ်ဆင်ခဲ့သူပါ။
ယာမဲလ်အနေနဲ့ အန်းဆုဖာတီဆီကနေ ကျောနံပါတ် ၁၀ တောင်းယူလို့ ရနိုင်ပေမဲ့ နံပါတ် ၁၉ ကိုပဲ ရွေးချယ်ခဲ့တာပါ။
ဘာစီလိုနာမှာ မက်ဆီတောက် လျှောက်ဝတ်ဆင်ခဲ့တဲ့ ကျောနံပါတ် ၁၀ ကို အန်းဆုဖာတီက လက်ဆင့်ကမ်းဝတ်ဆင်ခဲ့တာပါ။
သူဟာ မနှစ်က ဘရိုက်တန်ဆီ အငှားထွက်ကစားခဲ့ရပေမဲ့ ကျောနံပါတ် ၁၀ ကိုပဲ ဆက်လက်ဝတ်ဆင်ခွင့်ရဖို့ ရှိပါတယ်။
Photo- Reuters
