ပေါ်တူဂီနိုင်ငံ ဘရာဂါမြို့မှာ မေ ၁၈ ရက်ညက တောက်ပတဲ့ ကြယ်တံခွန်အပိုင်းအစတခုကြောင့် ကောင်းကင်ယံတခွင်လုံး လင်းထိန်နေတာကို လုံခြုံရေးကင်မရာ မှတ်တမ်းတခုမှာ မြင်တွေ့ရပါတယ်။
နက္ခတ်ဗေဒင်ဆိုင်ရာ ဖြစ်စဉ်ကို ပေါ်တူဂီနိုင်ငံနဲ့ စပိန်နိုင်ငံတို့က ဒေသအသီးသီးမှာ မြင်တွေ့ခဲ့ရပါတယ်။
မေ ၁၉ ရက်မနက်ပိုင်းမှာ ဥရောပအာကာသအေဂျင်စီ (ESA) က fireball ကင်မရာကနေ ဖမ်းယူ ရရှိထားတဲ့ ပေါ်တူဂီနယ်စပ်နားက စပိန်အနောက်ပိုင်း ကာစီရက်စ်မြို့ရဲ့ ကောင်းကင်ယံမှာ "အံ့မခန်း ဥက္ကာပျံ" အဖြစ် ဖော်ပြထားတဲ့ ဗီဒီယိုကို X လူမှုကွန်ရက်ပေါ်မှာ မျှဝေခဲ့ပါတယ်။
နောက်ပိုင်းမှာတော့ (ESA) က ရုပ်သံဖမ်းယူထားတာက ကြယ်တံခွန်ရဲ့ သေးငယ်သော အပိုင်းအစတစ်ခုဖြစ်ပြီး ဥက္ကာပျံမဟုတ်ဘူးလို့ ပြောင်းခန့်မှန်းခဲ့ပါတယ်။
ကြယ်တံခွန်ဟာ စပိန်နဲ့ ပေါ်တူဂီနိုင်ငံတွေပေါ်ကနေ တစ်စက္ကန့်ကို (၂၈ မိုင်) အရှိန်နဲ့ ပျံသန်း သွားခဲ့တယ်လို့ ခန့်မှန်းထားပါတယ်။
“ဥက္ကာခဲတွေ ရှာတွေ့နိုင်ခြေက အရမ်းနည်းပါတယ်”လို့လည်း ES Aက ပြောပါတယ်။ နိုင်ငံနှစ်ခုစလုံးက မြို့ကြီးတွေနဲ့ မြို့အများအပြားမှာ ရိုက်ကူးထားတဲ့ ဗီဒီယိုတွေလည်း ဆိုရှယ်မီဒီယာပေါ်မှာ ပျံ့နှံ့သွားခဲ့ပါတယ်။
Source/Photo - Reuters
