လက်ကျန် ၃ ပွဲအလိုတွင် ရှက်ဖီးယူနိုက်တက်အသင်း ပရီးမီးယားလိဂ်မှ တန်းဆင်း
DVB
·
April 28, 2024
ရှက်ဖီးယူနိုက်တက်အသင်းဟာ မနေ့ညက ကစားခဲ့တဲ့ နယူးကာဆယ်နဲ့ပွဲမှာ ၅ ဂိုး ၁ ဂိုးနဲ့ ရှုံးနိမ့်ခဲ့ပြီးနောက် လက်ကျန် ၃ ပွဲအလိုမှာ ပရီးမီးယားလိဂ်ကနေ တန်းဆင်းသွားခဲ့ရပြီ ဖြစ်ပါတယ်။
ရှက်ဖီးယူနိုက်တက်ဟာ မနှစ်ကရာသီကမှ ပရီးမီးယားလိဂ်ဆီ တန်းပြန်တက်နိုင်ခဲ့တာဖြစ်ပေမဲ့ တရာသီအတွင်းမှာပဲ တန်းပြန်ဆင်းသွားခဲ့ရတာပါ။
လက်ကျန် ၃ ပွဲအလိုမှာ အဆင့် ၁၇ က နော်တင်ဟမ်ဖောရက်စ်နဲ့ ၁၀ မှတ်အထိ ကွာဟသွားခဲ့တာကြောင့် တန်းဆင်းရဖို့ သေချာသွားခဲ့တာပါ။
တန်းဆင်းရမယ့် လက်ကျန်နှစ်နေရာအတွက် ဘန်လေ၊ လူတန်တောင်းနဲ့ နော်တင်ဟမ်ဖောရက်စ် တို့ အပြိုင်ဖြစ်နေပြီး မနှစ်ကမှ တန်းတက်လာတဲ့ လူတန်နဲ့ ဘန်လေအသင်းတွေပဲ တန်းပြန်ဆင်းရဖို့ အခွင့်အလမ်းများနေပါတယ်။
ချန်ပီယံရှစ်မှာတော့ လက်စတာအသင်းက လက်ကျန်နှစ်ပွဲအလိုမှာ တန်းတက်ခွင့်ရရှိခဲ့ပြီ ဖြစ်ပါတယ်။
Photo - Reuters/Lee Smith
