ဘန်လေနဲ့ပွဲတွင် ပင်နယ်တီမပေးသည့် ဒိုင်လူကြီးကို မန်ယူနည်းပြတန်ဟတ်ဂ်ဝေဖန်
DVB
·
April 28, 2024
ဘန်လေအသင်းနဲ့ပွဲမှာ ပင်နယ်တီသတ်မှတ်ပေးခြင်းမရှိတဲ့ ကွင်းလယ်ဒိုင်လူကြီးကို မန်ယူနည်းပြ အဲရစ်တန်ဟတ်ဂ်က ဝေဖန်သွားပါတယ်။
မန်ယူအသင်းဟာ အဲဒီပွဲစဉ်မှာ တဂိုးစီသရေရလဒ်နဲ့ သာ ကျေနပ်ခဲ့ရတာပါ။ ပွဲပြီးခါနီးအချိန်မှာ အန်တိုနီရဲ့ ပြိုင်ဘက်ဧရိယာထဲကနေ ပေးပို့မှုဟာ ဘန်လေ နောက်ခံလူရဲ့လက်နဲ့ ထိခဲ့ပေမဲ့ ပင်နယ်တီသတ်မှတ်ပေးခြင်း မရှိခဲ့တာပါ။
ပွဲချိန်အတွင်းမှာ ပင်နယ်တီ ရရှိနိုင်တဲ့အခြေအနေသုံးကြိမ်လောက်ရှိခဲ့ပြီး ဒိုင်လူကြီးက တသမတ်တည်းမဟုတ်တဲ့ ဆုံးဖြတ်ချက်တွေနဲ့ ပယ်နယ်တီ မပေးခဲ့ကြောင်း နည်းပြတန်ဟတ်ဂ်က ဝေဖန်ပါတယ်။
ဒါ့အပြင် ပြီးခဲ့တဲ့တပတ်က ကိုဗင်ထရီနဲ့ပွဲမှာ ဝမ်ဘစ်ဆာကာ လက်ထိခဲ့တာကိုတော့ ပင်နယ်တီသတ်မှတ် ပေးခဲ့ပေမဲ့ ဘန်လေနဲ့ပွဲမှာ အလားတူဖြစ်ရပ်အပေါ် ပင်နယ်တီမရခဲ့တာကိုလည်း နည်းပြတန်ဟတ်ဂ်က မေးခွန်းထုတ်သွားခဲ့ပါတယ်။
Photo-Reuters
