ဒီကနေ့ မနက်အစောပိုင်းက ယှဉ်ပြိုင်သွားတဲ့ ချန်ပီယံလိဂ်ကွာတားဖိုင်နယ်ပွဲစဉ်တွေမှာ အင်္ဂလန်ကိုယ်စားပြုအသင်းတွေဖြစ်တဲ့ အာဆင်နယ်နဲ့ မန်စီးတီးအသင်းတွေက ပြိုင်ဘက်တွေကိုအသီးသီးရှုံးနိမ့်ပြီး ပြိုင်ပွဲကနေ ထွက်ခွါခဲ့ရပါတယ်။
တချိန်တည်းကစားခဲ့ကြတဲ့ အဲဒီပွဲစဉ်တွေမှာ အာဆင်နယ်က ဘိုင်ယန်မြူးနစ်အသင်းကို အဝေးကွင်းမှာ ၁ ဂိုး ဂိုးမရှိနဲ့ ရှုံးနိမ့်ခဲ့ပြီး နှစ်ကျော့ပေါင်းရလဒ် ၃ ဂိုး ၂ ဂိုးနဲ့ ပြိုင်ပွဲကနေ ထွက်ခွါခဲ့ရတာပါ။
မန်စီးတီးအသင်းက ရီးရဲလ်မက်ဒရစ်ကို အိမ်ကွင်းမှာ လက်ခံကစားခဲ့ရာမှာ တဂိုးစီသရေကျခဲ့လို့ အချိန်ပို ပင်နယ်တီအထိ ရောက်ခဲ့ပါတယ်။
ပင်နယ်တီအဆုံးအဖြတ်မှာ ရီးရဲလ်မက်ဒရစ်အသင်းမှ မိုဒရစ်က စတင်လွဲချော်ခဲ့ပေမဲ့ မန်စီးတီးက အခွင့်အရေးမယူနိုင်ခဲ့ဘဲ ၄ ဂိုး ၃ ဂိုးနဲ့ ရှုံးနိမ့်ခဲ့ရတာပါ။
အင်္ဂလန်ကိုယ်စားပြုနှစ်သင်းစလုံး ကွာတားအဆင့်ကနေ ထွက်ခဲ့ရတဲ့အတွက် လိဂ် အဆင့်ကျဆင်းသွားဖို့ ရှိပြီး လာမယ့်ရာသီ ဥရောပချန်ပီယံလိဂ်ဝင်ခွင့် ၅ နေရာရရှိနိုင်မယ့် မျှော်လင့်ချက်လည်း အားနည်းသွားခဲ့ရပါတယ်။
Photo-Reuters
