ပဲခူးတိုင်း၊ ရေတာရှည်မြို့နယ်ရှိ ကျေးရွာ ၃ ရွာကို ဖေဖော်ဝါရီ ၂၁ ရက် မွန်းလွဲ ၂ နာရီ ၁၅ မိနစ်လောက်မှာ စစ်ကောင်စီတပ်က ရဟတ်ယာဉ်နဲ့ တိုက်ခိုက်ခဲ့တာကြောင့် အရပ်သားကလေးငယ် ၂ ယောက်အပါအဝင် ၄ ယောက်သေဆုံးပြီး ၅ ယောက် ဒဏ်ရာရရှိခဲ့တယ်လို့ ဒေသခံနဲ့ ဒေသကာကွယ်ရေးတပ်ဖွဲ့ဝင်တွေဆီက သိရပါတယ်။
စစ်တပ်က ပစ်ခတ်ခဲ့တာကြောင့် အသက် ၁၀ နှစ်နဲ့ ၈ နှစ်အရွယ် ကလေးငယ် ၂ ဦး အပါအဝင် ပြည်သူ ၄ ဦး သေဆုံး၊ ၅ ဦးဒဏ်ရာရခဲ့ပြီး ၁ ဦးက ဒဏ်ရာပြင်းထန်တယ်လို့ ဒေသခံတယောက်က ပြောပါတယ်။
"အိမ်မှာ ရှိနေတဲ့အချိန်တွေပါဗျ။ သေဆုံး ထိခိုက်ဒဏ်ရာရသူတွေက ပိတောက်ကုန်းနဲ့ စည်ပိုင်းရွာကပါဗျ။ ဆွာတိုက်နယ်ဆေးရုံကို အရင်ပို့ပါတယ်။ ပြီးတော့ စိုးရိမ်ရ လူနာတဦးကို နေပြည်တော်ကို ဆက်လွှဲတယ်ပြောတယ်ခင်ဗျ။”
စစ်ကောင်စီတပ်ဟာ ရေတာရှည်မြို့ဝင်ပေါက်တွေကို ကင်းပုန်းတွေချထားသလို သွားလာနေတဲ့ ပြည်သူတွေကို တင်းကျပ်စွာ စစ်ဆေးနေတယ်လို့ ဒေသခံတွေဆီကနေသိရပါတယ်။
