အစ္စရေးအစိုးရရဲ့ ဂါဇာထိုးစစ်အတွင်း နိုင်ငံတကာဥပဒေကို ချိုးဖောက်ရာမှာ အသုံးချမှာကို စိုးရိမ်လို့ အစ္စရေးနိုင်ငံဆီ F-35 တိုက်လေယာဉ် အစိတ်အပိုင်းတွေ တင်ပို့မှုအားလုံးကို ပိတ်ပင်ဖို့ နယ်သာလန် အယူခံတရားရုံးတခုက အစိုးရကို ဖေဖော်ဝါရီ ၁၂ ရက်မှာ အမိန့်ချလိုက် ပါတယ်။
နိုင်ငံတကာ လူသားချင်းစာနာမှု ဥပဒေကို ချိုးဖောက်တဲ့ ဂါဇာကို တိုက်ခိုက်မှုတွေမှာ ဂျက်လေယာဉ် အစိတ်အပိုင်းတွေကို သုံးနေတာဟာ ရှင်းလင်းပြတ်သားတဲ့ အန္တရာယ်လို့ တရားရုံး ပြောရေးဆိုခွင့်ရှိသူ မာတင်ဟိုနီးက ပြောပါတယ်။
နယ်သာလန်ဟာ အမေရိကန်ပိုင် F-35 အစိတ်အပိုင်းတွေကို သိုလှောင်ရာ ဒေသန္တရ ကုန်လှောင်ရုံ အများအပြားထဲက တခုကို ပိုင်ဆိုင်ထားတာပါ။
F-35 အစိတ်အပိုင်းတွေကို ပြီးခဲ့တဲ့ အောက်တိုဘာလကတည်းက အစ္စရေး အပါအဝင် အမေရိကန်တောင်းဆိုတဲ့ နိုင်ငံတွေဆီကို အနည်းဆုံး တင်ပို့မှုတကြိမ် ဖြန့်ဝေပေးခဲ့ပါတယ်။
တရားသူကြီး ဘတ်ဘိုးက ဒတ်ခ်ျအစိုးရဟာ အနာဂတ်မှာ အစ္စရေးဆီ F-35 အစိတ်အပိုင်းတွေ တင်ပို့ခွင့်ပြုနိုင်ပေမဲ့ ဂါဇာက စစ်ရေးစစ်ဆင်ရေးတွေမှာ မသုံးဘူးဆိုတဲ့ တင်းကျပ်တဲ့ အခြေအနေမှာသာ ခွင့်ပြုမယ်လို့ ပြောခဲ့ပါတယ်။
Source/Photo-Reuters
