အိန္ဒိယ ဂူဂျာရတ်ပြည်နယ်တွင် စုံတွဲ ၁၂၉ တွဲ မင်္ဂလာဆောင်
DVB
·
February 5, 2024
အိန္ဒိယအနောက်ပိုင်း ဂူဂျာရတ်ပြည်နယ်မှာ ဖေဖော်ဝါရီ ၄ ရက်က ဒါဇင်နဲ့ချီတဲ့ စုံတွဲတွေ မင်္ဂလာပွဲ ကျင်းပခဲ့ပါတယ်။
ဂူဂျာရတ် ပြည်သူ့ဖူလုံရေးအဖွဲ့က စီစဉ်တဲ့ ဒီအခမ်းအနားမှာ အာမဒ်ဒါဘဒ်မြို့က ရိုးရာ မွတ်စလင် ဓလေ့ထုံးတမ်းတွေနဲ့အညီ စုံတွဲ ၁၂၉ တွဲ လက်ထပ်ခဲ့ကြတာပါ။
ဒီထိမ်းမြားလက်ထပ်တာဟာ ကိုယ့်ဘာသာကိုယ် လက်ထပ်ဖို့ မတတ်နိုင်သူတွေအတွက် ဖြစ်တယ်လို့ ပွဲစီစဉ်သူတဦးက ပြောပါတယ်။
ပရိဘောဂတွေနဲ့ အိမ်သုံးပစ္စည်းတွေ အပါအဝင် လက်ဆောင်ပစ္စည်းတွေကိုလည်း ဇနီးမောင်နှံတွေကို ပေးအပ်ခဲ့တယ်လို့ သိရပါတယ်။
Source/Photo-Reuters
