ပြီးခဲ့တဲ့ရာသီအတွင်း ဝင်ငွေအကောင်းဆုံးအသင်းစာရင်းမှာ ရီးရဲလ်မက်ဒရစ်အသင်းက ဆုဖလားသုံးလုံးပိုင်ရှင် မန်စီးတီးကို ကျော်လွန်ပြီး နံပါတ်တစ်နေရာမှာရပ်တည်ခဲ့ပါတယ်။
Deloitte ဆိုတဲ့ ဘောလုံးအချက်အလက်ဆိုင်ရာအဖွဲ့ရဲ့ လေ့လာဆန်းစစ်ချက်အရ ရီးရဲလ်မက်ဒရစ် အသင်းက ၂၀၂၂-၂၀၂၃ ရာသီအတွင်း ယူရို ၈၃၁ သန်း ဝင်ငွေရရှိခဲ့ပြီး ယူရို ၈၂၆ သန်းဝင်ငွေရှိခဲ့တဲ့ မန်စီးတီးကို ကျော်ဖြတ်ခဲ့တာပါ။
မန်စီးတီးအသင်းဟာ ပြီးခဲ့တဲ့ရာသီက ဆုဖလားသုံးလုံးအထိရယူနိုင်ခဲ့ပေမဲ့ အောင်မြင်မှု နည်းပါးခဲ့တဲ့ ရီးရဲလ်မက်ဒရစ်က ပိုပြီး ဝင်ငွေကောင်းခဲ့တာပါ။
စီးပွားရေးဆိုင်ရာစာချုပ်တွေနဲ့ ရုပ်သံထုတ်လွှင့်ခွင့်တွေက ဝင်ငွေတွေပါဝင်ပြီး ထိပ်ဆုံး အသင်း ၂၀ က ၁၄ ရာခိုင်နူန်းအထိ တိုးတက်လာခဲ့တာပါ။
ရီးရဲလ်နဲ့ မန်စီးတီးတို့ရဲ့နောက်မှာ ပီအက်စ်ဂျီက ယူရို ၈၀၂ သန်းနဲ့ တတိယနေရာမှာရပ်တည်နေပြီး ယူရိုသန်း ၈၀၀ ဝင်ငွေရခဲ့တဲ့ ဘာစီလိုနာက စတုတ္ထ၊ ဝင်ငွေ ယူရို ၇၄၆ သန်းရရှိတဲ့ မန်ယူအသင်းက ပဉ္စမနေရာမှာ ရပ်တည်ပါတယ်။
ထိပ်ဆုံး ၁၀ သင်းစာရင်းမှာ လီဗာပူးအသင်းက မနှစ်ကထက် ဝင်ငွေအနည်းဆုံးဖြစ်ခဲ့ပြီး အဆင့် ၃ ကနေ ၇ အထိကျဆင်းသွား တာပါ။
စပါး၊ ချဲလ်ဆီးနဲ့ အာဆင်နယ်တို့က ထိပ်ဆုံး ၁၀ သင်းစာရင်းမှာပါဝင်ပြီး နယူးကာဆယ်နဲ့ ဝက်စ်ဟမ်းတို့က ထိပ်ဆုံးအသင်း ၂၀ စာရင်းမှာ ပါဝင်ခဲ့ပါတယ်။
Photo - Reuters
