ဟန်ဒါဆန်၏ ဂျာစီ အိုင်းယက်စ်သမိုင်းတလျှောက် ရောင်းအားအကောင်းဆုံးဖြစ်လာ
DVB
·
January 20, 2024
အင်္ဂလန်ကွင်းလယ်လူ ဟန်ဒါဆန်ရဲ့ ဂျာစီဟာ အိုင်းယက်စ်အသင်းသမိုင်းတလျှောက် ရောင်းအား အကောင်းဆုံး ဖြစ်လာခဲ့ပါတယ်။
ဟန်ဒါဆန်ဟာ ဆော်ဒီကလပ် အယ်လ်အစ်တီဖက်အသင်းကနေ ပြောင်းရွှေ့လာခဲ့တာပါ။ ဂျိုဟန်ခရိုက်ဖ် ဝတ်ဆင်ခဲ့တဲ့ကျောနံပါတ် ၁၄ ကို ဝတ်ဆင်ခွင့်မရလို့ ကျောနံပါတ် ၆ ကို ရွေးချယ်ဝတ်ဆင်ခဲ့တာပါ။
ဟန်ဒါဆန်ရဲ့ ကျောနံပါတ် ၆ ဂျာစီဟာ ၈၅ ပေါင် ကျသင့်ပြီး အိုင်းယက်စ်သမိုင်းတလျှောက် ရောင်းအားအကောင်းဆုံး ဂျာစီအဖြစ် မှတ်တမ်းဝင်ခဲ့တာပါ။
အိုင်းယက်စ်အသင်းဟာ ဂျာစီအပြင် အိပ်ယာခင်း၊ မျက်နှာသုတ်ပဝါ၊ ခေါင်းအုံးနဲ့ ကော်ဖီခွက် တွေကိုလည်း ကျောနံပါတ် ၆ ရိုက်နှိပ်ပြီးရောင်းချခဲ့ရာမှာ လူကြိုက်များခဲ့ပါတယ်။
ဟန်ဒါဆန်ဟာ အိုင်းယက်စ်နဲ့ ၂ နှစ်ခွဲ စာချုပ်ချုပ်ဆိုခဲ့ပြီး အိုင်းယက်စ် ပရိသတ်တွေက ဝမ်းမြောက်ဝမ်းသာ ကြိုဆို အားပေးခဲ့ကြပါတယ်။
Photo-Reuters
