တိုက်စစ်မှူးဟောင်း ဒရော့ဘာရဲ့အဆက်အသွယ်နဲ့ အိုဆီမန်ကို ခေါ်ယူနိုင်မယ်လို့ ချဲလ်ဆီးပရိသတ် တွေက ယုံကြည်နေပါတယ်။
ချဲလ်ဆီးတိုက်စစ်မှူးဟောင်းဟာ အာဖရိကဖလားပြိုင်ပွဲမှာ နိုင်ဂျီးရီးယားအသင်းရဲ့ပွဲစဉ်ကို လိုက်ပါကြည့်ရူခဲ့တာပါ။
ပွဲမတိုင်ခင်မှာ တိုက်စစ်မှူး အိုဆီမန်နဲ့ နူတ်ဆက် စကားပြောနေတဲ့ ဗီဒီယိုဖိုင်တစ်ခုဟာလည်း ဆိုရှယ်မီဒီယာမှာ ပြန့်နှံ့နေတာပါ။
ဒရော့ဘာနဲ့ အိုဆီမန်တို့ရဲ့ ရင်းနှီးတဲ့ ဆက်ဆံရေးကို အသုံးချပြီး အိုဆီမန်ကို အသင်းဆီ ခေါ်ယူနိုင်လိမ့်မယ်လို့ ချဲလ်ဆီးပရိသတ်တွေက ယုံကြည်နေကြတာပါ။
အိုဆီမန်ကို ချဲလ်ဆီးအသင်းဆီပြောင်းရွှေ့ဖို့ ပြောပေးပါ စူပါအေးဂျင့် ဒရော့ဘာဆိုပြီးတော့လည်း ချဲလ်ဆီးပရိသတ်တစ်ဦးက တွစ်တာမှာမှတ်ချက်ပေးခဲ့ပါတယ်။
အိုဆီမန် ကိုယ်တိုင်ကလည်း လက်ရှိအချိန်မှာ နာပိုလီအသင်းအပေါ်မှာပဲ အာရုံစိုက်ထားပေမဲ့ တချိန်မှာ ပရီးမီးယားလိဂ်ဆီပြောင်းမှာ သေချာကြောင်း ပြောထားတာပါ။
အိုဆီမန်ကို ခေါ်ယူဖို့ ချဲလ်ဆီးအသင်းအပြင် အာဆင်နယ်အသင်းကလည်း ခေါ်ယူဖို့ ကြိုးပမ်းနေတာ ဖြစ်ပါတယ်။
Photo-Reuters
