ဂရိနိုင်ငံ ကမ်းခြေစောင့်တပ်ဖွဲ့ဟာ ဇန်နဝါရီ ၁၀ ရက်က လက်စ်ဘော့စ်ကျွန်းပေါ်ရှိ ကျောက်ဆောင်ထူထပ်တဲ့ ကမ်းခြေအနီးမှာ ရွှေ့ပြောင်းနေထိုင်သူ ၁၈ ဦးကို ကယ်ဆယ်ခဲ့ပြီး အမျိုးသားတဦးနဲ့ အမျိုးသမီးတဦးတို့ရဲ့ ရုပ်အလောင်း ၂ လောင်းကိုလည်း တွေ့ရှိခဲ့ကြောင်း ကမ်းခြေစောင့်တပ်ဖွဲ့က ပြောပါတယ်။
ရွှေ့ပြောင်းအခြေချသူတွေဟာ အက်ဂျီယန်ပင်လယ်အတွင်း လေပြင်းတွေတိုက်ခတ်နေချိန်မှာ လှေနဲ့ ကျွန်းပေါ်ကို ရောက်ရှိခဲ့တယ်လို့ ယူဆရကြောင်း ကမ်းခြေစောင့်တပ်ဖွဲ့ တာဝန်ရှိသူတဦးက ပြောပါတယ်။
ရွှေ့ပြောင်းနေထိုင်သူတွေရဲ့ အကောင့်တွေအရ သင်္ဘောပေါ်မှာ လူ ၃၆ ဦးလောက် လိုက်ပါလာပြီး တချို့မှာ ပင်လယ်ထဲကို ခုန်ချခဲ့ကြောင်းလည်း သိရပါတယ်။
ကမ်းခြေစောင့်တပ်တွေနဲ့ ရဲတွေဟာ ကုန်းတွင်းပိုင်းရှိ လူတွေကို ထပ်မံရှာဖွေခဲ့ကြောင်း ပြောပါတယ်။
ဂရိနိုင်ငံဟာ ဆီးရီးယားဒုက္ခသည် အများစုဖြစ်တဲ့ လူပေါင်း ၁ သန်းကျော် တူရကီကနေ ဥရောပနိုင်ငံကို ပင်လယ်ရေကြောင်းကနေ ဖြတ်ကျော်ဝင်ရောက်လာကြတဲ့ ၂၀၁၅ ခုနှစ်က ရွှေ့ပြောင်းအခြေချမှု အကျပ်အတည်းရဲ့ ရှေ့တန်းမှာ ရှိနေခဲ့တာပါ။ အခုနှစ်အတွင်းမှာတော့ ရွှေ့ပြောင်းဝင်ရောက်မှု သိသိသာသာ ကျဆင်းသွားခဲ့ပါတယ်။
Source/Photo-Reuters
