နာဇီပုံစံ အလေးပြုတာ၊ အကြမ်းဖက်အဖွဲ့တွေနဲ့ ဆက်နွှယ်တဲ့ သင်္ကေတတွေ ပြသ ရောင်းချတာတွေကို တားမြစ်တဲ့ ဥပဒေတွေ ဩစတြေးလျနိုင်ငံမှာ ဇန်နဝါရီ ၈ ရက်ကစပြီး အသက်ဝင်ခဲ့ပါတယ်။

ဒီဥပဒေဟာ နာဇီပုံစံနဲ့ လူသိရှင်ကြား အလေးပြုတာ၊ နာဇီစကြာ ဒါမှမဟုတ် ရွှတ်ဇ်စတာဖယ် အရန်အဖွဲ့ (SS) ဆက်စပ်နေတဲ့ မိုးကြိုးနှစ်ထပ် သင်္ကေတကို ပြတာအတွက် ထောင်ဒဏ် ၁၂ လအထိ ပြစ်ဒဏ်ချမှတ်နိုင်ပါတယ်။ ဒီသင်္ကေတတွေကို အရောင်းအဝယ် လုပ်တာကိုလည်း အလားတူ တားမြစ်ထားပါတယ်။

အောက်တိုဘာ ၇ ရက်က အစ္စရေးမှာ လူပေါင်း ၁,၂၀၀ သေဆုံးပြီး အယောက် ၂၄၀ လောက် ဓားစာခံအဖြစ် ဖမ်းဆီးခံရတဲ့ ဟားမတ်စ်တို့ရဲ့ တိုက်ခိုက်မှုအပြီး ဒီဇင်ဘာလမှာ အတည်ပြုလိုက်တဲ့ ဩစတြေးလျ ဥပဒေဟာ ဆီမိုက်မျိုးနွယ်စုတွေအပေါ် မုန်းတီးရေးနဲ့ အစ္စလာမ်မုန်းတီးရေး မြင့်တက်နေချိန်မှာ အရေးပါတဲ့ ဥပဒေသစ်တရပ် ဖြစ်လာခဲ့တယ်လို့ အစ္စရေးတာဝန်ရှိသူတွေက ပြောခဲ့ပါတယ်။

Source/Photo-Reuters