ဆောင်းရာသီအပြောင်းအရွှေ့မှာ တိုက်စစ်မှူးခေါ်ဖို့ လက်တွေ့မကျတဲ့အတွေး ဖြစ်တယ်လို့ အာဆင်နယ်နည်းပြ အာတေတာက ပြောသွားပါတယ်။
အာဆင်နယ်အသင်းဟာ မနေ့ညက အက်ဖ်အေလားပွဲစဉ်မှာ လီဗာပူးကို ၂ ဂိုးပြတ်ရှုံးနိမ့်ခဲ့ပြီး တိုက်စစ်ပိုင်းက ဂိုးသွင်းအားနည်းခဲ့တဲ့အပေါ် ဝေဖန်ထောက်ပြမှုတွေ ရှိခဲ့တာပါ။
နည်းပြ အာတေတာကတော့ လက်ရှိအပြောင်းအရွှေ့မှာ တိုက်စစ်မှူးသစ် ခေါ်ယူဖို့ဆိုတာက လက်တွေ့မကျကြောင်း၊ အသင်းမှာရှိတဲ့ လူစာရင်းကိုပဲ ယုံကြည်မှုပေးပြီး ခြေစွမ်းကောင်းမွန်အောင် လုပ်ဆောင်သွားရမှာဖြစ်ကြောင်း ပြောပါတယ်။
သုံးပွဲဆက်တိုက် ရှုံးပွဲတွေ့ခဲ့တဲ့အပေါ် စိုးရိမ်မိကြောင်း၊ နောက်ထပ် ၁၃ ရက်အထိ အနားရမှာက ပြန်လည်ကုစားနိုင်ဖို့ အချိန်ကောင်းဖြစ်ကြောင်းလည်း အာတေတာက ပြောပါတယ်။
အာဆင်နယ်ဟာ EFL ဖလားကနေလည်း ထွက်ခဲ့ရတာကြောင့် လာမယ့် ဇန်နဝါရီ ၂၀ ရက်မှ ခရစ္စတယ်ပဲလေ့စ်နဲ့ ကစားသွားရမှာ ဖြစ်ပါတယ်။
Photo-Reuters
