ထိုင်းတွင် မူးယစ်ဆေးဝါးမှောင်ခိုတင်သွင်းသည့် မြန်မာအမျိုးသမီး ၁ ဦး ဖမ်းဆီးခံရ
DVB
·
December 28, 2023
ထိုင်းနိုင်ငံ၊ ကန်ချနာဘူရီခရိုင်၊ ဆန်ခလာဘူရီမှာ မြန်မာနိုင်ငံသား မွန်အမျိုးသမီးတဦးကို ဒီဇင်ဘာ ၂၅ ရက်က စိတ်ကြွမူးယစ်ဆေးဝါး အလုံး ၁၇၀,၀၀၀ အတူ ထိုင်းရဲတပ်ဖွဲ့က ဖမ်းဆီးရမိခဲ့တယ်လို့ MGR Online မှာ ဖော်ပြထားပါတယ်။
တိုယိုတာကားခေါင်းခန်းအတွင်းမှာ ကပ်ထူပုံးတပုံးတွေ့ပြီး ဖွင့်ဖောက်စစ်ဆေးကြည့်ရာ စိတ်ကြွဆေးပြား (အဖတ်တမင်း) ၁၇ ထုတ်မှ စိတ်ကြွဆေးပြား အလုံး ၁၇၀,၀၀၀ ကို တွေ့ရှိခဲ့ပါတယ်။
ဖမ်းဆီးခံရတဲ့ မွန်အမျိုးသမီးဟာ ကရင်ပြည်နယ်၊ ကြာအင်းဆိပ်ကြီးမြို့ ဘုရားသုံးဆူဒေသမှာနေထိုင်ပြီး အရင်ကလည်း ထိုင်းနိုင်ငံဘက်ကို မူးယစ်ဆေးဝါး ၃ ကြိမ် တင်ပို့ဖူးတယ်လို့ ထိုင်းရဲတပ်ဖွဲ့ထံ ဝန်ခံခဲ့ပါတယ်။
ထိုင်းနယ်ခြားစောင့်တပ်ဖွဲ့နဲ့ အမှတ် ၂၉ ခြေမြန်တပ်ရင်းတို့က ဖမ်းဆီးခံရတဲ့ မွန်အမျိုးသမီးကို အရေးယူနိုင်ဖို့အတွက် ဆောင်ခလာဘူရီရဲစခန်းကို လွှဲပြောင်းပေးခဲ့ပါတယ်။
