အော်စကာဆုရ Parasite ရုပ်ရှင်မှာ ပါဝင်ခဲ့တဲ့ တောင်ကိုရီးယားသရုပ်ဆောင် လီဆန်ချွန်ကို သေဆုံးလျက်သား ရှာတွေ့ခဲ့တယ်လို့ ယွန်းဟပ် သတင်းအေဂျင်စီက ရဲတပ်ဖွဲ့အပေါ် ကိုးကားပြီး ဒီဇင်ဘာ ၂၇ ရက်မှာ ဖော်ပြပါတယ်။

တောင်ကိုရီးယားသရုပ်ဆောင် လီဟာ တရားမဝင် မူးယစ်ဆေးသုံးစွဲမှုနဲ့ အစစ်ဆေးခံနေရသူဖြစ်ပြီး ပြီးခဲ့တဲ့ ဗုဒ္ဓဟူးနေ့ မနက်ပိုင်းက ဆိုးလ်မြို့ရဲ့ ပန်းခြံတခုမှာ ကားတစီးအတွင်း သတိလစ် မေ့မြောနေတာကို ရှာတွေ့ခဲ့တာ ဖြစ်ပါတယ်။

လီရဲ့ ဇနီးဖြစ်သူက သူအိမ်ကနေ ထွက်ခွာသွားကြောင်း ရဲကို တိုင်ကြားခဲ့တဲ့အပြင် သေတမ်းစာဖြစ်နိုင်တဲ့ စာတစောင်ကိုပါ ချန်ထားခဲ့တယ်ဆိုပြီး ပြန်ပြောပြပါတယ်။

နာမည်ကြီး “Parasite” ရုပ်ရှင်မှာ ချမ်းသာတဲ့မိသားစုရဲ့ ဖခင်အဖြစ် လီက သရုပ်ဆောင်ခဲ့ပြီး တောင်ကိုရီးယား ရုပ်ရှင်တွေမှာပါ အဓိကဇာတ်ဆောင်အဖြစ် ပါဝင်နိုင်ခဲ့သူတဦးပါ။

အသက် ၄၈ နှစ် အရွယ် လီ ရဲ့  ၂၀၁၂ ခုနှစ်ထွက် “Helpless” နဲ့ ၂၀၁၄ ခုနှစ်ထွက် “All About My Wife” ဇာတ်ကားတွေဟာ လူသိများ ထင်ရှားခဲ့ပါတယ်။

Source/Photo-Reuters