ဘရိုက်တန်ကို အနိုင်ယူခဲ့သည့် အသင်းသားများကို အာဆင်နယ်နည်းပြ ချီးကျူး
DVB
·
December 18, 2023
မနေ့ညက ကစားခဲ့တဲ့ ပရီးမီးယားလိဂ်ပွဲစဉ်မှာ ဘရိုက်တန်ကို အနိုင်ယူခဲ့တဲ့အသင်းသားတွေရဲ့ စွမ်း ဆောင်ရည်ကို နည်းပြ အာတီတာက ချီးကျူးပြောကြားလိုက်ပါတယ်။
အာဆင်နယ်ဟာ ဂျေဆုနဲ့ ကိုင်ဟာဗက်ဇ်တို့ရဲ့ သွင်းဂိုး ၂ ဂိုးနဲ့ ဘရိုက်တန်ကို အနိုင်ရရှိခဲ့ပြီး အမှတ်ပေးဇယားထိပ်မှာ ရပ်တည်နေတာဖြစ်ပါတယ်။
ဘရိုက်တန်အသင်းက အံ့အားသင့်စရာကောင်းတဲ့ အသင်းဖြစ်ပြီး အသင်းသားတွေဘက်က စိတ်ရှည်ရှည်ထား ကစားနိုင်ခဲ့လို့ ထိုက်တန်တဲ့ အနိုင်ရလဒ်ရရှိခဲ့တာဖြစ်ကြောင်း နည်းပြ အာတီတာက ပြောပါတယ်။
ပွဲစတင်ချိန်ကနေ နောက်ဆုံးအချိန်အထိ ပွဲကို ထိန်းချုပ်ထားနိုင်ခဲ့ပြီး ထူးချွန်ပြောင်မြောက်စွာ ကစားပြနိုင်ခဲ့ကြောင်း နည်းပြ အာတီတာက ပြောပါတယ်။
အာဆင်နယ်ဟာ ဘရိုက်တန်အသင်းဘက်ကို ဂိုးကန်သွင်းချက် ၂၆ ကြိမ်အထိရှိခဲ့ပြီး ဘရိုက်တန်အသင်းက ၆ ကြိမ်ပဲရရှိခဲ့တာ ဖြစ်ပါတယ်။
Photo - Reuters
