မကွေးတိုင်း၊ဂန့်ဂေါမြို့နယ် အခြေစိုက် ခရိုင်တပ်ရင်း ၆ ရင်းကို စစ်ဆင်ရေးအသုံး စရိတ်အတွက် ပြည်သူတွေနဲ့ ပကဖ၊ ပအဖအဖွဲ့ဝင်တွေက ငွေ ကျပ် ၄၅၅ သိန်း ထောက်ပံ့ပေးအပ်ခဲ့တယ်လို့ ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့က ဒီဇင်ဘာ ၁၆ ရက်မှာ ထုတ်ပြန်ပါတယ်။
ဂန့်ဂေါမြို့နယ် ကျေးရွာအသီးသီးက ပြည်သူတွေနဲ့ ပကဖ၊ ပအဖအဖွဲ့ဝင်တွေ ထည့်ဝင်ငွေ ကျပ်သိန်း ၂၇၀ ၊ မြို့နယ် ပအဖက ငွေကျပ်သိန်း ၁၀၀ သိန်းနဲ့ မြို့နယ် ပကဖက ၈၅ သိန်း နိုဝင်ဘာ ၂၅ ရက်က အရေးပေါ်ပေးအပ်ခဲ့တာနဲ့ စုစုပေါင်း ငွေကျပ်သိန်း ၄၅၅ သိန်းကို ပေးအပ်ခဲ့တာပါ။
ဒီငွေတွေကို ဂန့်ဂေါမြို့နယ်ပအဖ၊ ပကဖအဖွဲ့ဝင်တွေက ဒီဇင်ဘာ ၁၃ ရက်မှာ ဂန့်ဂေါ ခရိုင်အမှတ်-၁၊၁၂၊ ၁၄ တပ်ရင်းတို့က တပ်ရင်းမှူးတွေဆီ လွှဲပြောင်းပေးအပ်ခဲ့တာလို့ ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့က ပြောပါတယ်။
ထောက်ပံ့ငွေကို ပေးအပ်ပြီးနောက် ဂန့်ဂေါမြို့နယ် ပအဖ၊ ပကဖအဖွဲ့ဝင်များ၊ ခရိုင်တပ်ရင်းတွေရဲ့ တပ်ရင်းမှူးတွေက မြို့နယ်အတွင်း ပေါင်းစပ်ညှိနှိုင်းလုပ်ဆောင်ရမယ့် အုပ်ချုပ်ရေး၊ ကာကွယ်ရေးဆိုင်ရာကိစ္စရပ်တွေနဲ့ ပတ်သက်ပြီး ဆွေးနွေးခဲ့ကြပါတယ်။
ဒါ့အပြင် ပြည်ချစ်ဆရာတော်ကလည်း ထောက်ပံ့ခြင်းအခမ်းအနား အဖွင့်ဩဝါဒစကားနဲ့ နိဂုံးချုပ်ဆုံးမစကားတို့ကို မိန့်ကြားခဲ့တယ်လို့ ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့က ပြောပါတယ်။
