အာရှဖလားပွဲကစားမည့် ဆွန်ဟောင်မင်ကို လွမ်းဆွတ်နေရမည်ဟု စပါးနည်းပြ ပြော
DVB
·
December 15, 2023
အာရှဖလားပြိုင်ပွဲသွားရောက်ကစားရမယ့် ဆွန်ဟောင်မင်ကို လွမ်းဆွတ်နေရမှာဖြစ်ကြောင်း စပါးနည်းပြ ပို့စ်တီကိုဂလူက ပြောပါတယ်။
အာရှဖလားပြိုင်ပွဲကို လာမယ့် ဇန်နဝါရီ ၁၃ ရက်မှာ စတင်မှာဖြစ်ပြီး ဆွန်ဟောင်မင်က တောင်ကိုရီးယားအသင်းနဲ့အတူ ပူးပေါင်းသွားရမှာပါ။
ဒီအခြေအနေကြောင့် စပါးအသင်းရဲ့ ပရီးမီးယားလိဂ်ပွဲစဉ်တွေနဲ့ အက်ဖ်အေဖလားပွဲစဉ်တစ်ပွဲကို လွဲချော်တော့မှာပါ။
အသင်းခေါင်းဆောင်ဆွန်ဟောင်မင်ကို လက်လွှတ်ရမဲ့အခြေအနေအတွက် ကြိုတင်ပြင်ဆင်ထားရမှာဖြစ်ပြီး ဆွန်ကို လွမ်းဆွတ်နေရတော့မှာဖြစ်ကြောင်း နည်းပြ ပို့စ်တီကိုဂလူက ပြောပါတယ်။
စပါးအသင်းမှာ ကွင်းလယ်ကစားသမားတွေဖြစ်တဲ့ ဘစ်ဆူးမားနဲ့ မက်သာဆားတို့ဟာလည်း အာဖရိကနိုင်ငံများဖလား ကစားရမယ့် မိခင်နိုင်ငံအသင်းတွေနဲ့ ပူးပေါင်းသွားရမှာ ဖြစ်ပါတယ်။
Photo - Reuters
