ရခိုင်ပြည်နယ်၊ ကျောက်ဖြူမြို့မှာ ဒီဇင်ဘာ ၈ ရက် ည ၈ နာရီလောက်က အမျိုးသားတယောက်ကို ရက္ခိုင့်တပ်တော် (အေအေ)နဲ့ ဆက်စပ်မှုရှိတယ်လို့ စွပ်စွဲပြီး စစ်ကောင်စီတပ်က ဖမ်းဆီးသွားကြတယ်လို့ ဒေသခံတွေဆီကနေ သိရပါတယ်။
ဖမ်းဆီးခံရတဲ့ သူကတော့ ကျောက်ဖြူမြို့ အလယ်ပိုင်းရပ်ကွက်က အသက် ၃၆ နှစ်အရွယ် ကိုစောရန်နိုင်ဖြစ်ပြီး စစ်ကောင်စီတပ်သား ၆ ယောက်လောက်က ကားနဲ့ လာရောက် ဖမ်းဆီးသွားကြတာလို့ ကျောက်ဖြူမြို့ ခံက ပြောပါတယ်။
တောင်ကုတ်နဲ့ ကျောက်ဖြူမြို့နယ်တွေမှာ ဒီဇင်ဘာ ၆ ရက်နဲ့ ၇ ရက်နေ့တွေမှာလည်း ဒေသခံပြည်သူ ၃ ယောက်ကို ULA/AA နဲ့ ဆက်စပ်တယ်လို့ စွပ်စွဲပြီး စစ်ကောင်စီတပ်က ဖမ်းဆီးသွားတယ်လို့ ဒေသခံတွေဆီကနေ သိရပါတယ်။
ရခိုင်ပြည်နယ်မှာ အေအေနဲ့ စစ်ကောင်စီတပ်တို့ တကျော့ပြန်တိုက်ပွဲတွေ ပြန်လည်ဖြစ်ပွားပြီးနောက် စစ်ကောင်စီဘက်က ဒေသခံပြည်သူ ၁၀၀ ကျော်လောက်ကို အေအေနဲ့ ဆက်စပ်တယ်လို့ သံသယနဲ့ ဖမ်းဆီးထားပါတယ်။
