ပေါင်သန်း ၁၀၀ ဖြင့် တိုနေးကို ခေါ်ယူရန် လန်ဒန်ကလပ် ၃ သင်း အပြိုင်ကြိုးပမ်း
DVB
·
November 24, 2023
ပေါင်သန်း ၁၀၀ သတ်မှတ်ထားတဲ့ ဘရန်ဖို့ဒ် တိုက်စစ်မှူး အိုင်ဗန်တိုနေးကို ခေါ်ဖို့ လန်ဒန်ကလပ် ၃ သင်းက အပြိုင်အဆိုင်ကြိုးပမ်းနေပါတယ်။
အင်္ဂလန်တိုက်စစ်မှူးကို အာဆင်နယ်အသင်းက ခေါ်ယူဖို့ ဦးစွာစိတ်ဝင်စားခဲ့ပေမဲ့ စပါးအသင်းက လည်း ခေါ်ယူဖို့ ပြင်ဆင်လာခဲ့တာပါ။
လက်ရှိအချိန်မှာ ချဲလ်ဆီးအသင်းကလည်း တိုနေးကိုခေါ်ယူဖို့ ပြင်ဆင်လာခဲ့တာကြောင့် လန်ဒန် ကလပ် ၃ သင်းရဲ့ အပြိုင်အဆိုင် ကမ်းလှမ်းမှုတွေကို မြင်တွေ့ရဖို့ ရှိပါတယ်။
အသက် ၂၇ နှစ်ရှိ တိုက်စစ်မှူးဟာ လတ်တလောမှာ ပွဲပယ်ပြစ်ဒဏ်ကြောင့် ပွဲကစားခွင့်မရသေးပေမဲ့ လာမဲ့ ဇန်နဝါရီမှာပြန်လည်ကစားနိုင်တော့မှာပါ။
မနှစ်က ရာသီမှာ ပရီးမီးယားလိဂ် ၂၁ ဂိုးသွင်းခဲ့တဲ့ တိုနေးကို ခေါ်ယူမယ်ဆိုရင် ပေါင်သန်း ၁၀၀ ပေး ချေဖို့ ဘရန့်ဖို့ဒ်အသင်းက သတ်မှတ်ထားပါတယ်။
Photo - Reuters
