အာဖဂန်နစ္စတန်နိုင်ငံ၊ ဇင်ဒါဂျန်ခရိုင်မှာ လှုပ်ခတ်ခဲ့တဲ့ ငလျင်ကြောင့် သေဆုံးသူ ၃၀၀ အတွက် ဈာပနအခမ်းအနားကို အောက်တိုဘာ ၉ ရက်က ပြုလုပ်ခဲ့ရာမှာ တာလီဘန်အရာရှိတွေလည်း ပါဝင်တက်ရောက်ခဲ့ကြပါတယ်။
ငလျင်ကြောင့် ဇင်ဒါဂျန်ခရိုင်က လူ ၁,၆၀၀ လောက် နေထိုင်တဲ့ ဆီယာအာ့ဘ်ကျေးရွာမှာ လူ ၃၀၀ ကျော် သေဆုံးခဲ့ပြီး အများစုမှာ ကလေးတွေနဲ့ သက်ကြီးရွယ်အိုတွေ ဖြစ်ကြပါတယ်။
ဒေသစံတော်ချိန် ၁၁ နာရီမှာ လှုပ်ခတ်ခဲ့တဲ့ ငလျင်အပြီးမှာ နောက်ဆက်တွဲငလျင် ၈ ကြိမ် လှုပ်ခတ်ခဲ့ပြီး ဟေရတ်ပြည်နယ် မြို့တော် အနောက်မြောက်ဘက် ကီလိုမီတာ ၃၀ အကွာရှိ သွားလာရခက်ခဲတဲ့ ဒေသတွေမှာ လှုပ်ခတ်ခဲ့တာကြောင့် ကျေးရွာရှိ နေအိမ်တွေ ပြိုကျပြီး ဒေသခံတွေလည်း လမ်းပေါ်ထွက်ပြေးခဲ့ကြပါတယ်။
ငလျင်ကြောင့် အနည်းဆုံး လူပေါင်း ၂,၄၀၀ သေဆုံးပြီး အများအပြား ဒဏ်ရာရရှိခဲ့ကြောင်း တာလီဘန် အုပ်ချုပ်ရေးအဖွဲ့က ပြောပါတယ်။
ခန့်မှန်းခြေ လူပေါင်း ၅ သောင်းလောက် သေဆုံးခဲ့တဲ့ တူရကီနဲ့ ဆီးရီးယားတို့မှာ ငလျင်လှုပ်ခတ်ခဲ့ပြီးနောက် အခုနှစ်အတွင်း ကမ္ဘာပေါ်မှာ လူသေဆုံးမှုအများဆုံး ဖြစ်တယ်လို့လည်း ဆိုပါတယ်။
အောက်တိုဘာ ၉ ရက်က ချိန်ခါအလိုက် နောက်ဆက်တွဲငလျင်တွေ ဆက်လက် လှုပ်ခတ်သွားခဲ့ကြောင်း တာဝန်ရှိသူတွေက ပြောကြားခဲ့ပြီး လူတွေဟာ အိမ်ထဲမှာ မနေရဲလောက်အောင်ကို ကြောက်လန့်နေကြတယ်လို့ ဆိုပါတယ်။
Source/Photo-Reuters
