ကချင်ပြည်နယ်က ရွှေ့ပြောင်းတောင်ယာရိတ်သိမ်းချိန် (ဓာတ်ပုံ)
DVB
·
October 1, 2023
ရွှေ့ပြောင်း တောင်ယာလုပ်ကိုင်မှုဟာ သစ်တောပြုန်းတီးမှုဖြစ်စေတဲ့ အကြောင်းအရာတွေထဲက တခုဆိုပေမဲ့ ကချင်ပြည်နယ် နေရာတချို့မှာတော့ တောင်ယာစိုက်ပျိုးတာတွေ ရှိနေဆဲဖြစ်ပါတယ်။
တောင်ယာလုပ်ကိုင်သူတွေထဲမှာ ၂၀၁၁ ခုနှစ်က ပြန်လည်ဖြစ်ပွားတဲ့ ကချင် ဒေသတွင်းကတိုက်ပွဲတွေကြောင့် မြို့ပေါ်မှာရွှေ့ပြောင်းနေထိုင်နေတဲ့ မိသားစုတွေလည်း ပါဝင်နေပါတယ်။
မြို့ပေါ်မှာနေထိုင်နေပေမဲ့ ဆန်၊ စပါး ရရှိဖို့အတွက် လယ်ယာလုပ်ငန်း လုပ်ကိုင်ချင်ပေမဲ့ လယ်ယာတွေမဝယ်နိုင်သေးလို့ နီးစပ်ရာ တောင်တန်းတွေမှာပဲ တောင်ယာလုပ်ငန်းကို လုပ်ကိုင်နေကြတာပါ။
အခုအချိန်ဟာ တောင်ယာစပါးရိတ်သိမ်းချိန်ဖြစ်ပြီး မြို့ပေါ်ရွှေ့ပြောင်းနေထိုင်နေတဲ့ မိသားစုတွေရဲ့ တောင်ယာ ရိတ်သိမ်းမှု ပုံရိပ်တွေကို ဖော်ပြလိုက်ပါတယ်။
