စစ်ကိုင်းတိုင်း၊ ယင်းမာပင်ခရိုင် တပ်ရင်းတွေက အမျိုးသမီးရဲဘော်အယောက် ၃၀ အတွက် ကျပ် ၁၅ သိန်းကို ပုလဲမြို့နယ် ပြည်သူ့အုပ်ချုပ်ရေးအဖွဲ့က စက်တင်ဘာ ၂ ရက်နေ့မှာ ကူညီ ထောက်ပံ့ခဲ့တယ်လို့ သိရပါတယ်။
အမျိုးသားညီညွတ်ရေး အစိုးရ၊ အမျိုးသမီး၊ လူငယ်နဲ့ ကလေးသူငယ်ဆိုင်ရာ ဝန်ကြီးဌာန ရန်ပုံငွေနဲ့ ထောက်ပံ့တာဖြစ်ပြီး တပ်ရင်း ၇၊ ၈၊ ၉၊ ၁၀၊ ၁၁၊ ၁၂၊ ၁၃၊ ၁၉ နဲ့ ၂၀ တို့က အမျိူးသမီး ရဲဘော် တယောက်ကို ကျပ် ၅ သောင်းနှုန်းနဲ့ ထောက်ပံ့ခဲ့တာပါ။
ပုလဲ ပအဖ ခေါင်းဆောင် ကိုဇော်ထက်က "အခုဟာက ပထမဆုံးအကြိမ် ထောက်ပံ့ဖြစ်တာပါ။ NUG၊ အမျိုးသမီး၊ လူငယ်နဲ့ ကလေးသူငယ်ဆိုင်ရာ ဝန်ကြီးဌာနက ရန်ပုံငွေနဲ့ပါ" လို့ ဒီဗွီဘီကို ပြောပါတယ်။
အမျိုးသမီး၊ လူငယ်နဲ့ ကလေးသူငယ်ရေးရာ ပုလဲမြို့နယ် တာဝန်ခံ မအိသူသူမောင်က တပ်ရင်း ၇ က ရဲဘော် ၃ ယောက်၊ တပ်ရင်း ၈ က ရဲဘော် ၃ ယောက်၊ တပ်ရင်း ၉ က ရဲဘော် ၄ ယောက်၊ တပ်ရင်း ၁၀ က ရဲဘော် ၂ ယောက်၊ တပ်ရင်း ၁၁ က ရဲဘော် ၆ ယောက်၊ တပ်ရင်း ၁၂ က ရဲဘော် ၄ ယောက်၊ တပ်ရင်း ၁၃ က ရဲဘော် ၂ ယောက်၊ တပ်ရင်း ၁၉ က ရဲဘော် ၃ ယောက်နဲ့ တပ်ရင်း ၂၀ က ရဲဘော် ၃ ယောက်ကို ထောက်ပံ့ပေးခဲ့တယ်လို့ ပြောပါတယ်။
အဲဒီ ကူညီထောက်ပံ့မှုကို ပုလဲမြို့နယ်၊ ပြည်သူ့အုပ်ချုပ်ရေးအဖွဲ့နဲ့ ပုလဲမြို့နယ်၊ အမျိုးသမီး၊ လူငယ်နဲ့ ကလေးသူငယ်ဆိုင်ရာ တာဝန်ခံတို့ ပူးပေါင်း ဆောင်ရွက်ခဲ့တာလို့ သိရပါတယ်။
