သြစတြေးလျနိုင်ငံမြောက်ပိုင်း ဒါဝင်မြို့မှာ ဩဂုတ် ၂၇ ရက်က စစ်ရေးလေ့ကျင့်နေတုန်း ရဟတ်ယာဉ် ပျက်ကျမှုအတွင်း အမေရိကန် မရိန်းတပ်သား ၃ ဦး သေဆုံးခဲ့တယ်လို့ အမေရိကန် စစ်တပ်က ပြောပါတယ်။
ဩစတြေးလျဝန်ကြီးချုပ် အန်ထော်နီ အယ်လ်ဘာနီစ်ကတော့ “ကြေကွဲဖွယ်” ဖြစ်ရပ်လို့ ပြောခဲ့ပါတယ်။
တခြားမရိန်း တပ်သား ၅ ဦးကို တော်ဝင်ဒါဝင်ဆေးရုံဆီ ပို့ဆောင်ခဲ့ပြီး ဒဏ်ရာ ပြင်းထန်တယ်လို့ မရိန်းတပ်ဖွဲ့က သတင်းထုတ်ပြန်ချက်မှာ ဖော်ပြထားပါတယ်။
ဒီသတင်းထုတ်ပြန်ချက်ဟာလည်း ဆိုရှယ်မီဒီယာနဲ့ သြစတြေးလျသတင်းကွန်ရက်တွေမှာ ပျံ့နှံ့နေပါတယ်။
ပုံမှန်လေ့ကျင့်မှုအတွင်း MV-22B အော့စ်ဖရေး ရဟတ်ယာဉ်ပေါ်မှာ မရိန်းတပ်သား ၂၃ ဦးတွင် ပါဝင်ခဲ့ပြီး ပျက်ကျရတဲ့ အကြောင်းရင်းကို စုံစမ်းစစ်ဆေးနေပါတယ်။
ဒေသစံတော်ချိန် နံနက် ၉ နာရီမှာ ဝေးလံခေါင်သီတဲ့ တီဝီကျွန်းစုမှာ ရဟတ်ယာဉ် ပျက်ကျခဲ့တာ လို့ မြောက်ပိုင်းနယ်မြေ ရဲမင်းကြီး မိုက်ကယ်မာဖီက ပြောပါတယ်။
Exercise Predators Run 2023 စစ်ရေးလေ့ကျင့်မှု အတွင်း ရဟတ်ယာဉ်ပျက်ကျမှုမှာ သြစတြေးလျ အမှုထမ်းတွေ မပါဝင်ခဲ့ဘူးလို့ ဩစတြေးလျ ဝန်ကြီးချုပ်က ပြောခဲ့ပါတယ်။
Source/Photo-Reuters
