မန်ယူအသင်း၏အခြေအနေ အားရကျေနပ်မှုမရှိဟု နည်းပြတန်ဟတ်ဂ်ဖွင့်ဟ
DVB
·
August 26, 2023
မန်ချက်စတာယူနိုက်တက်အသင်းရဲ့ အခြေအနေအပေါ် အားရကျေနပ်မှုမရှိသေးကြောင်း နည်းပြ အဲရစ်တန်ဟတ်ဂ်က ပြောသွားပါတယ်။
ယူနိုက်တက်အသင်းဟာ နည်းပြတန်ဟတ်ဂ်လက်ထက်မှာ ကစားသမားသစ်တွေကို ခေါ်ယူအားဖြည့်ခဲ့ပေမဲ့ အသင်းရဲ့ စွမ်းဆောင်ရည်က တိုးတက်မှုနည်းပါးနေသေးတာဖြစ်ပါတယ်။
နည်းပြတန်ဟတ်ဂ်က“ကျနော်တို့အသင်းကို ကြည့်မယ်ဆိုရင် ဖြစ်ချင်တဲ့အခြေအနေကို မရောက်သေးပါဘူး။ လုပ်ဆောင်ရမယ့် ကိစ္စတွေရှိနေသေးပြီး ရှိနေတဲ့ကစားသမားတွေအပေါ်မှာပဲ အာရုံစိုက်ရပါမယ်။ အသင်းရဲခြေစွမ်း၊ လူစာရင်းပိုင်းတွေမှာ တိုးတက်လာဖို့လိုပါတယ်”လို့ ပြော ပါတယ်။
မန်ယူအသင်းဟာ ပရီးမီးယားလိဂ်အဖွင့်နှစ်ပွဲမှာ တစ်ပွဲနိုင် ၊ တစ်ပွဲရှုံးရလဒ် ရရှိထား တာဖြစ်ပါတယ်။
